粗菜館 (已結業)

平時好少出港島區，呢晚飯接老婆放工順便食埋晚飯，見到附近間<粗菜館>幾多人食下，應該唔錯見到有豬油撈飯，好耐冇食過，因為唔係周圍都有，豬油及醬油分開裝係小碟，再配白飯，d豬油仲溫溫底，撈埋白飯好香，竟然一人食晒一碗。小菜點左個爽滑脆魚皮，炸的魚皮就食得多，呢個又幾特別下，用左豉油、葱薑絲，加熟油再撈埋魚皮，爽口~見餐牌特別係推介的<梅、蘭、菊、竹>，點左老婆最鍾意的左(蘭)西檸脆脆雞， 外皮炸到好鬆脆，雞肉仍然鮮嫩幼滑，淋埋個西檸醬汁，令人胃口大增。 招牌炒豬什我覺得做得唔錯，有豬腸、豬心、豬肚、豬肝，冇內臟的腥味，配埋薑蔥、再用酒猛火大炒， 岩岩好!