影片
更多
2024-11-07
315 瀏覽
係長沙灣睇完家庭醫生，轉角見到間新開既車仔麵，新開張尼講都算幾多人食，原來主打豬油渣車仔麵✨難怪咁受歡迎三餸車仔麵（$62）餸叫左咖喱魚蛋豬紅同紫菜油麵，湯底揀咗平時好少見嘅胡麻辣小辣，另外一定要加$8豬油渣，同個辣湯底係絕配！一上到枱真係大癲勁足料啊！！魚蛋比左5粒我，豬紅又6粒，紫菜放左半邊碗既份量，個麵底好似叫左加底甘可以食兩餐🫨咖喱魚蛋同出面食開既出名小食檔一模一樣，超大粒好彈牙，豬紅好入味冇腥，紫菜就普通發揮下次會想try佢個三層紅燒肉🥓最令我surprise係個豬油渣，佢比左四大塊我！溝埋落個胡辣湯超超超夾！估唔到個胡辣湯係完全唔係得個辣字，有少少甜甜地，個姐姐推薦得冇錯！燒羊肉串（$18）好大串！脂肪位啱啱好，食完油脂香一直係我個口度，仲要完全冇羶味！燒五花腩 （$15）肉超大舊，火侯控制得好好，有甘筍間住幾解膩，調味亦都唔會過鹹燒芝士波波腸（$14）呢個真係必叫，一口一口食好方便，出面脆皮，一咬芝士係我個入面爆開，超滿足🧡💓炸雞中翼（$20）我本身以為係譚仔嗰種size ，點知隻雞翼超大隻！仲要係好入味！調味同譚仔嘅土匪雞翼好似，但呢個價錢平好多又大隻咁多，超抵食！本身
三餸車仔麵（$62）
餸叫左咖喱魚蛋豬紅同紫菜油麵，湯底揀咗平時好少見嘅胡麻辣小辣，另外一定要加
$8豬油渣，同個辣湯底係絕配！
一上到枱真係大癲勁足料啊！！魚蛋比左5粒我，豬紅又6粒，紫菜放左半邊碗既份量，個麵底好似叫左加底甘可以食兩餐🫨咖喱魚蛋同出面食開既出名小食檔一模一樣，超大粒好彈牙，豬紅好入味冇腥，紫菜就普通發揮下次會想try佢個三層紅燒肉🥓
最令我surprise係個豬油渣，佢比左四大塊我！溝埋落個胡辣湯超超超夾！估唔到個胡辣湯係完全唔係得個辣字，有少少甜甜地，個姐姐推薦得冇錯！
燒羊肉串（$18）
好大串！脂肪位啱啱好，食完油脂香一直係我個口度，仲要完全冇羶味！
燒五花腩 （$15）
肉超大舊，火侯控制得好好，有甘筍間住幾解膩，調味亦都唔會過鹹
燒芝士波波腸（$14）
呢個真係必叫，一口一口食好方便，出面脆皮，一咬芝士係我個入面爆開，超滿足🧡💓
炸雞中翼（$20）
我本身以為係譚仔嗰種size ，點知隻雞翼超大隻！仲要係好入味！調味同譚仔嘅土匪雞翼好似，但呢個價錢平好多又大隻咁多，超抵食！
本身想食司華力腸但冇曬轉做波波腸，燒完個師傅直接拎出嚟俾我，原來車仔麵同埋分開兩個廚房，串燒真係好食過出面街既燒烤專門店，車仔麵又抵食，足料又吾係好味精，下次要專登入去encore!
張貼
