春潤堂

營業中

休息中

人生第二次食豬油渣麵，第一次喺元朗，間舖早已不存在；今次就嚟到太子嘅春潤堂。呢度以外賣為主，堂食只有幾個座位。豬油渣麵應該係小店名物，我見好多人都有叫，官方推介係配豬大腸，但我唔食，所以就揀咗配車仔麵嘅餸：魷魚同牛筋丸。首先要讚下啲豬油渣，份量多，炸得香脆惹味，每食一嚿，邪惡感頓生😂。兩個餸以牛筋丸較出色，有咬口亦有牛脂味，魷魚都有咬口但味道較淡，感覺浸水久了。麵嘅湯底只有一小片冬菇，其他配料欠奉，一點也不油膩，配埋白身嘅上海麵，味道略嫌清淡。不過回心一想，這樣也好，可以中和豬油渣的邪惡。