敏華冰廳 (已結業)

食物:夠薑豬潤牛肉湯米+炒蛋厚多士+凍奶茶$56豬潤薄、好嚡，唔得(相對深水埗漢發來說)！好多薑！唔知食唔食得，定係要好似檸茶咁自己壓啲薑汁出嚟！牛肉、好滑，掂！料夠多！米粉底嘅份量正常！係我個人喜歡硬啲、爽口啲米粉！湯底飲落好味，不過咁多薑都冇咩薑辣味！唔知薑係唔係同牛肉豬潤一齊煮！定係煮完湯至夾啲薑落去湯碗到！湯都幾好味，冇咩味精！可以飲晒！炒蛋滑滑，非常之好！厚多士外脆內軟！炒蛋同多士係鎮店之寶！ 不可不試！凍奶茶係冇冰嗰隻！原汁原味！好嘢！環境: 好光猛，檯面好細，要搭檯，冇裝修，但好新淨！冷氣普通！有壓迫感！坐得唔舒服！想你早啲走！衛生: 清潔！服務: 好！有禮貌！$56 值得經常去！