影片
更多
2018-02-22
389 瀏覽
今日輪到熊大黎熊妹家拜年嚕，yeayeayea!熊大特登早放工未食晏，先去深水埗區食少少野先。黎到深水埗福榮街，行一步係維記，行多步係維記，再行多步都係維記。維記出哂名真係街知巷聞，是但問一個街坊都答到位置係邊。由一間店係隔離開多兩間，幾乎壟斷哂福榮街六十號都咪話唔西利。話明老字號，都唔會有啲咩金璧輝煌的裝潢喇，入到去幾張大圓枱，撘枱都少不免。餐牌就大大隻字貼係牆壁上，抬頭望就可以點餐。維記出名什麼?豬潤麵不會未聽過吧?熊大雖然唔會好好豬潤，但當然都試下招牌菜喇，睇下點解有咁出名。熊妹唔食豬潤唔食公仔麵，所以唔會食豬潤麵的。依熊大的說法，豬潤麵熱辣辣送上好香，豬潤都好多舊下，薄薄的食落去唔會好肥膩，咬下咬下帶點沙，係豬潤原汁原味的味道，湯底睇落好似好重味，但飲落又好鮮甜好清，唔油，會令人想繼續飲埋去，連一個公仔麵底係幾飽肚，唔好豬潤的熊大都清哂佢，呢碗豬潤麵又真係有佢出名的魅力。 另外，見餐牌有齋麵，咁特別，熊大同熊妹心唸會有人真係齋叫個麵食嗎？隨即就聽到有人一入黎嗌左個齋麵，都真係維記的粉絲喇，應該鍾情於佢個湯底。隨著時代變遷，維記都要迎合下都巿人口味的變化，加埋啲三文治，西多士係餐
熊大特登早放工未食晏，先去深水埗區食少少野先。
黎到深水埗福榮街，行一步係維記，行多步係維記，再行多步都係維記。維記出哂名真係街知巷聞，是但問一個街坊都答到位置係邊。由一間店係隔離開多兩間，幾乎壟斷哂福榮街六十號都咪話唔西利。
話明老字號，都唔會有啲咩金璧輝煌的裝潢喇，入到去幾張大圓枱，撘枱都少不免。餐牌就大大隻字貼係牆壁上，抬頭望就可以點餐。
豬潤麵
$30
42 瀏覽
1 讚好
0 留言
維記出名什麼?豬潤麵不會未聽過吧?熊大雖然唔會好好豬潤，但當然都試下招牌菜喇，睇下點解有咁出名。熊妹唔食豬潤唔食公仔麵，所以唔會食豬潤麵的。依熊大的說法，豬潤麵熱辣辣送上好香，豬潤都好多舊下，薄薄的食落去唔會好肥膩，咬下咬下帶點沙，係豬潤原汁原味的味道，湯底睇落好似好重味，但飲落又好鮮甜好清，唔油，會令人想繼續飲埋去，連一個公仔麵底係幾飽肚，唔好豬潤的熊大都清哂佢，呢碗豬潤麵又真係有佢出名的魅力。 另外，見餐牌有齋麵，咁特別，熊大同熊妹心唸會有人真係齋叫個麵食嗎？隨即就聽到有人一入黎嗌左個齋麵，都真係維記的粉絲喇，應該鍾情於佢個湯底。
咖映西多士
$19
36 瀏覽
0 讚好
0 留言
隨著時代變遷，維記都要迎合下都巿人口味的變化，加埋啲三文治，西多士係餐牌上，可以當下午小茶小吃。熊大喜愛西多士，熊妹喜愛咖映醬，咖映西多士就絕配熊大熊妹合味喇。
又真係幾好味，西多士好香蛋味，咖映醬已經係甜甜地，唔洗再落太多糖漿，食落唔係好油，熊妹好怕食炸物咬落去成斤油標出黎，係做得幾唔錯，難怪同枱的叔叔自己食完一整份，仲打包兩份拎走，好味到真誇張。
一碗麵一份西多埋單$49，廉價美食，走的時候啲客都繼續源源不絕，維記真係做起個朵，好成功!
熊大就頂住個大肚腩去熊妹家拜年嚕，肥。
張貼
