The Staff (已結業)

之前lunch time食過一次，覺得ok，今日路過決定再試。點知，就出事了.....叫左兩個set dinner，有兩款前菜，我地揀左湯，冬菇同Parma ham，都ok嘅！跟住主菜黎到，一個係白汁青口長通粉，無乜味，但都叫做入得口，食到一半就黎料了....有條頭髮。之後個豬肋骨配薯條，個豬肋骨有好大陣雪味，要求職員更換，佢話我哋分豬肋過食咗一半唔肯換，其實只係食咗一條，另一條只係夾左落隻碟度，total有五條，咁就好似無咗一半咁。後來換咗個長通粉之後，唔知係咪心理作用，好似有陣異味，咁就冇食到，食左兩啖甜品，埋單走人。總括嚟講，百幾蚊一個餐，有兩款前菜，一個主菜同甜品加飲品，確實係抵，不過咁樣嘅食物質素，比幾十蚊都會嫌貴冇下次！職員由頭到尾一句唔好意思都冇，完全冇歉意，身為小店咁樣做生意確實趕客。