尖仔記麵食

營業中

休息中

早排帶個外國朋友去食咗貴夾唔飽嘅詠藜園擔擔麵，今次帶佢去食地道香港嘅麵，車仔麵！尖仔記搬咗新鋪后都未幫襯過，就襯今次幫襯吓，新鋪環境更大更光威，搵位更方便。外國朋友睇完個餐牌，問幼麵同生麵有咩分別，即時俾佢考起！原來一款有鹼水另一款無鹼水，但唔記得邊隻麵係有鹼水嚕。外國朋友又問，湯底已經係豬骨湯，點解重要加牛腩汁，蠔油汁？又考起我！同外國朋友食飯真係一個好開心同增加知識嘅經歷。每次黎尖仔記，不得不點豬軟骨，一來好多車仔麵無哩款餸提供，二來尖仔記亦做得出色，軟骨夠冧豬肉夠入味。尖仔記嘅豬腸相信唔係個個人接受，佢保留果種豬腸獨有嘅腥味，但豬腸洗得好乾淨。咖哩魷魚鬚係第一次點，咖哩夠入味，只係口感靭咗少少。