一人前拉麵

營業中

休息中

一個人係元朗食午餐 行去雞地搵嘢食 知道呢頭出名多小店 見到一人前拉麵呢個名 就配合晒我一個人去食🎏叫咗白前🍜有叉燒木耳筍絲糖心蛋 食拉麵第一啖當然係要試試個湯啦 佢個豬骨湯一飲就知冇味精 淡得來好重骨膠原嘅感覺 成碗奶白色 飲完個口仲有回甘嘅油香味 但係又唔會令你覺得好肥膩 正另外要特別一讚個叉燒 😍有兩大塊 面積大過成隻碗 好欣賞佢係嗰種慢煮嘅叉燒 肉質非常嫩滑 真係整到好似薄切西冷嘅嗰種軟滑 見到佢有少少粉紅色 就知道佢煮得一啲都唔過火 熟到啱啱好 好出色由於只有一位師傅 所以大家都要預咗比較長嘅等候時間啊