Uncle Pizza, Pasta & Grill (已結業)

中環既蘇豪區仍然佈滿好多歐式風格小店，但係我今次揀既「Uncle pizza」 最主要原因係佢係有個鎮店之寶「貓主子～大眼仔」，好乖、好聽話，唔咬人，唔怕生保，鍾意貓貓既你一定要黎探下佢啊☺️店內有大約10張枱，坐得都舒服，等食物的時候同店主都傾左一陣間，佢同我哋分享同「大眼仔」相處既點滴，佢哋真係好有緣份。意式炸魷魚圈$88炸漿非常脆口又唔油膩，食完一啲都唔滯，魷魚肉質彈牙，配上千島醬非常開胃。黑毛豬風乾火腿無花果藍芝士沙律$148新鮮的沙律菜配上醋汁，是永遠的絕配，乾火腿好薄，所以唔會太咸，同無花果一齊食，咸咸甜甜都搭配。夏威夷森林$158材料有森林火腿、菠蘿、馬蘇里拉芝士、車打芝士，pizza餅底香脆，整體來說好食既，不過一定要襯熱食，凍左餅底冇咁脆就差少少。