Catee (已結業)

一行兩人叫左個DINNER SET 同兩個小食 大滿足SET 係叫左MAIN 加50 蚊有餐包、餐湯、沙拉、餐飲同甜品。好抵!!餐包有三款，其中一款是竹炭味。很鬆軟，沾上橄欖及義大利黑醋很開胃。薯仔蓉的餐湯好creamy，每一啖都飲到薯仔蓉，好足料。沙律菜新鮮、腰豆軟淋。香煎鵝肝野菌吐司  $ 138吐司香脆可口，炒野菌夠惹味。鵝肝口感柔軟綿密，入口即溶，表面煎到很香。鵝肝上的金箔是點精。小食拼盤 $138炸雞翼有6件 ，係將雞翼切開一半炸至金黃色，細細舊方便食。表面炸到脆身入面重係好JUICY。炸魷圈4件，香酥可口，好容易咬開~ 唔係炸到乾淨淨。炸墨西哥辣椒釀芝士2件，辣辣地、芝士咸咸地兩樣野加埋味道好夾。口感好特別。薯條就炸到好香脆，凍左都唔會淋曬!!烤帶子南瓜意大利飯$178  + $50 SET DINNER帶子好大粒，大過5元硬幣好多。焗到岩岩好，表面少少結蕉內裹嫩滑。每一粒意大利飯都黏上綿綿的南瓜蓉。飯的軟硬適中。食到南瓜的香甜。是日甜品 甜度剛好, 海綿蛋糕好鬆軟 CREAM 不膩 。飯後一點甜。 大滿足。