Catee (已結業)

今日約左好友去行荃灣，下午由南豐紗廠開始出發，行勻成個荃灣，夜晚去到荃新天地附近就睇下有咩餐廳醫肚！係Open rice見到有間係貓貓做主題既西餐廳，果斷決定就佢啦！一入到去就見到連隔板都係貓樣，一路食野一路望住都好治癒。入面仲有部電視係到播緊加菲貓，電視送飯一流！黎返正題！坐低時店員同我地講有廚師推介係out of menu既，有推介唔洗諗就梗試埋佢啦！同朋友2個人叫左2個主食+1個小食拼盤小食拼盤 – 4粒明太子炸小丸子，4隻雞翼，炸薯條，2隻焗蠔上菜時全部野食都仲熱辣辣，小丸子入面滿滿明太子一D都唔吝嗇，雞翼同焗蠔都算大隻，非常惹味～而炸薯條外脆內軟，全部清哂！廚師推介 - 墨汁鮮蝦墨魚咀意粉黑色意粉加埋用黑色碟，真係差D影唔到佢！意粉軟硬適中，蝦同墨魚咀都非常爽口，意粉同配料既味道唔會互搶，非常出色！美國安格斯牛板胛店員推介3-5成熟，我地就叫左5成。切既時候唔會有血水，但入面既肉仲係紅卜卜～食落肉質好soft，會一口接一口咁食！仲有個紫椰菜薯蓉，平時薯蓉食得多會好膩，但加左紫椰菜變左帶甜又清新既薯蓉，仲變左解膩配菜！另外要讚既係餐廳上菜唔會一口氣上菜，令到D野食凍哂影響味道。