影片
更多
2023-08-01
105 瀏覽
講起貓cafe, 第一時間就會諗起 Urban cafe. 多年前由第一間喺旺角建橋大廈樓上: 一入門口, 貓毛橫飛, 貓屎尿味攻鼻嘅細舖仔, 而家越做越好. 開多咗幾間分店之餘, 荔枝角呢間7000呎嘅大舖, 更加值得讚許.窮豬當日去係閒日嘅午市時間. 本身坐定粒六唔使book位, 低估咗而家係暑假. 去到見到咁多一家大細喺門口就知奶嘢. 個個都醒目仔女book定曬位, 我哋walk-in就要等咗半個鐘先有得入座.門口至舖內之間有個小空間畀大家消毒雙手同着好 鞋套先入去. 入座起計兩小時, 每人最低消費一份午餐 . 午餐選擇多, 亦都絕對經濟. 價錢由$78至$138不等, 附送餐湯, 牛油麵包條 同$38 以下飲品, 升級補差價. 我哋分別叫咗個《帆立貝冬陰功長通粉》同《溫泉蛋肉醬蝴蝶粉》等候上菜期間, 已經可以開始玩貓! 是靚日俾貓咪「薯蓉」欽點, 選擇係奴才座位隔離瞓晏覺, 瞓足全程!! 我左手一路食, 右手一路摸, 好忙呀! 好幸福嘅忙呀!好啦講返啲嘢食先：冬陰功通粉有驚喜, 唔算太辣, 汁比較creamy, 幾好. 肉醬嗰個就不過不失. 不過兩碟意粉都 al dente,
多年前由第一間喺旺角建橋大廈樓上: 一入門口, 貓毛橫飛, 貓屎尿味攻鼻嘅細舖仔, 而家越做越好. 開多咗幾間分店之餘, 荔枝角呢間7000呎嘅大舖, 更加值得讚許.
窮豬當日去係閒日嘅午市時間. 本身坐定粒六唔使book位, 低估咗而家係暑假. 去到見到咁多一家大細喺門口就知奶嘢. 個個都醒目仔女book定曬位, 我哋walk-in就要等咗半個鐘先有得入座.
門口至舖內之間有個小空間畀大家消毒雙手同着好 鞋套先入去. 入座起計兩小時, 每人最低消費一份午餐 . 午餐選擇多, 亦都絕對經濟. 價錢由$78至$138不等, 附送餐湯, 牛油麵包條 同$38 以下飲品, 升級補差價. 我哋分別叫咗個《帆立貝冬陰功長通粉》同《溫泉蛋肉醬蝴蝶粉》
等候上菜期間, 已經可以開始玩貓! 是靚日俾貓咪「薯蓉」欽點, 選擇係奴才座位隔離瞓晏覺, 瞓足全程!! 我左手一路食, 右手一路摸, 好忙呀! 好幸福嘅忙呀!
好啦講返啲嘢食先：冬陰功通粉有驚喜, 唔算太辣, 汁比較creamy, 幾好. 肉醬嗰個就不過不失. 不過兩碟意粉都 al dente, 如果可以淋返啲就更好. 嘢飲方面, 牛油果奶昔同芒果梳打都係正常味道.
好喇, 我要繼續講貓! 一路食, 一路有貓喺你背脊、頭頂、檯底、凳底、腳邊不停行過、掃過. 我完全集中唔到食嘢, 淨係好想快快趣食完玩佢哋！ 建議下次去可以自備逗貓棒同罐罐. 有其中一樣, 你就係超級貓奴 , 成為全場焦點!
每50蚊仲可以儲印仔,每5個即送蛋糕同雪糕, 好想快啲再去比貓圍！
張貼
