影片
更多
2023-08-26
95 瀏覽
基於食完lunch太飽要散下步消耗卡路里嘅情況下，比一間好多貓咪掛畫嘅小店吸引左我入去，啲畫真心靚同cute，但哩度唔係畫廊，係食甜品嘅🤣望下廚櫃，有好多唔同口味嘅小立方拿破侖，每個都鋪滿唔同生果，賣相設計係有花過心思，靚女店主亦好熱情介紹各款食品嘅特色同口味比我同朋友選擇，超nice，想比❤️❤️佢🥰Neko Puff 嘅拿破侖係有三塊千層酥皮，佢嘅特色係堅挺同脆，咬落刷刷聲，好想開speaker錄低佢，牛油嘅香濃味適中，每層酥皮之間嘅忌廉打得好鬆，入口即溶，好香滑，好有驚喜😁店主推薦兩款小立方拿破侖比我和朋友品嚐:1. 最受客人歡迎 - 伯爵茶無花果拿破侖伯爵茶嘅清新甘甜混入忌廉裏面，再配上千層酥，感覺好似去嘆英式下午茶，成個人貴氣哂🤣而無花果嘅生果香甜同伯爵茶嘅茶葉清甜係互相配合，真係冇得輸👍2. 今期熱買 - 芒果拿破侖+湅檸檬抹茶大熱天時係想搵啲酸酸甜甜嘅水果醒胃，芒果拿破侖就啱哂夏天食，食完完全冇飽滯感覺，再加埋有貓貓杯嘅湅飲，爽呀😁店主同店員都係健談又熱血嘅年青人，感覺佢哋好鐘意貓同對甜品口味嘅追求，我食得非常開心同滿意，一定會再幫襯試其他口味😁
望下廚櫃，有好多唔同口味嘅小立方拿破侖，每個都鋪滿唔同生果，賣相設計係有花過心思，靚女店主亦好熱情介紹各款食品嘅特色同口味比我同朋友選擇，超nice，想比❤️❤️佢🥰
Neko Puff 嘅拿破侖係有三塊千層酥皮，佢嘅特色係堅挺同脆，咬落刷刷聲，好想開speaker錄低佢，牛油嘅香濃味適中，每層酥皮之間嘅忌廉打得好鬆，入口即溶，好香滑，好有驚喜😁
店主推薦兩款小立方拿破侖比我和朋友品嚐:
1. 最受客人歡迎 - 伯爵茶無花果拿破侖
伯爵茶嘅清新甘甜混入忌廉裏面，再配上千層酥，感覺好似去嘆英式下午茶，成個人貴氣哂🤣而無花果嘅生果香甜同伯爵茶嘅茶葉清甜係互相配合，真係冇得輸👍
2. 今期熱買 - 芒果拿破侖+湅檸檬抹茶
大熱天時係想搵啲酸酸甜甜嘅水果醒胃，芒果拿破侖就啱哂夏天食，食完完全冇飽滯感覺，再加埋有貓貓杯嘅湅飲，爽呀😁
店主同店員都係健談又熱血嘅年青人，感覺佢哋好鐘意貓同對甜品口味嘅追求，我食得非常開心同滿意，一定會再幫襯試其他口味😁
伯爵茶無花果小立方拿破侖
$50
6 瀏覽
0 讚好
0 留言
芒果小立方拿破侖
$50
2 瀏覽
1 讚好
0 留言
湅檸檬搽茶
$45
1 瀏覽
0 讚好
0 留言
張貼
