影片
更多
2022-07-20
16 瀏覽
高質平價漢堡飽 屯門📍貓毛行咗陣商場，去到夜晚肚餓又去返紅橋嗰邊搵嘢食，第一眼吸引我嘅係佢竟然播緊Tom & Jerry!!! 細細個好鍾意睇🤣間舖頭好似係新開，睇落都好乾淨，雖然而家夏天真係好熱，不過夜晚都有陣風，所以就揀咗呢間坐室內嘅餐廳，不過日頭都係買返屋企食好啲😂佢嘅價錢非常抵食，早餐都係廿零蚊，佢標榜每層肉都係手打，有足足120g，好吸引！我哋叫咗：👉🏻加菲漢堡（$55+$13轉套餐）呢個足足有兩層豬肉漢堡扒、兩塊芝士同埋將軍醬！一嚟到個Size超巨大，熱辣辣，個包烘過，食落去啖啖肉，好Juicy好滿足～ 一個女仔食呢個就已經好夠飽，套餐就會包埋薯條/薯餅同埋嘢飲，呢個揀咗薯條，要讚吓佢個茄汁！唔記得問佢咩牌子，超好食，好耐冇食過咁重鮮茄味嘅茄汁！👉🏻炸雞派對（套餐價：83）朋友要增肌，就揀咗呢個充滿蛋白質嘅餐，佢有兩件雞鎚、兩隻雞翼、兩件雞扒，啲雞炸得好香脆，但係啲肉又keep住有好多肉汁💦 超Juicy desu!!! 佢有四款自家製醬汁俾你揀黎配，我哋揀咗蜜糖芥末同埋特濃洋蔥醬，超推薦個洋蔥醬！極香極重口味！另外仲加咗$14試佢嘅Oreo奶昔，好重奶味幾好飲。夏天比較建
行咗陣商場，去到夜晚肚餓又去返紅橋嗰邊搵嘢食，第一眼吸引我嘅係佢竟然播緊Tom & Jerry!!! 細細個好鍾意睇🤣
間舖頭好似係新開，睇落都好乾淨，雖然而家夏天真係好熱，不過夜晚都有陣風，所以就揀咗呢間坐室內嘅餐廳，不過日頭都係買返屋企食好啲😂
佢嘅價錢非常抵食，早餐都係廿零蚊，佢標榜每層肉都係手打，有足足120g，好吸引！我哋叫咗：
👉🏻加菲漢堡（$55+$13轉套餐）
呢個足足有兩層豬肉漢堡扒、兩塊芝士同埋將軍醬！一嚟到個Size超巨大，熱辣辣，個包烘過，食落去啖啖肉，好Juicy好滿足～ 一個女仔食呢個就已經好夠飽，套餐就會包埋薯條/薯餅同埋嘢飲，呢個揀咗薯條，要讚吓佢個茄汁！唔記得問佢咩牌子，超好食，好耐冇食過咁重鮮茄味嘅茄汁！
👉🏻炸雞派對（套餐價：83）
朋友要增肌，就揀咗呢個充滿蛋白質嘅餐，佢有兩件雞鎚、兩隻雞翼、兩件雞扒，啲雞炸得好香脆，但係啲肉又keep住有好多肉汁💦 超Juicy desu!!! 佢有四款自家製醬汁俾你揀黎配，我哋揀咗蜜糖芥末同埋特濃洋蔥醬，超推薦個洋蔥醬！極香極重口味！另外仲加咗$14試佢嘅Oreo奶昔，好重奶味幾好飲。
夏天比較建議買返屋企食，冇咁熱～我見佢仲可以WhatsApp落左單先，另外仲可以儲印花，有兩款印花卡可以揀🤣 如果住附近嘅話，真係會encore！
張貼
