只 (已結業)

網上得知，因為業主唔續租，所以，佢哋做到 11 月尾，就要被迫結業，今日出得去尖沙咀，就順路去留低條腳毛啦！叫咗個蟹棒明太子貓耳朵，加錢轉套餐，包沙律 ( 因為今日唔想飲湯 )，同指定價格嘅飲品 ( 可以補差價叫其他飲品 )。初時我仲以為，食到中途仲可以嗌小食，點知好彩冇叫，因為，食下食下先知道大鑊！煙韌嘅口感嘅貓耳朵，飽滿嘅明太子醬汁，灼燒過陣陣煙燻味嘅蟹棒，都令我食指大動，但 ……… 我食到一半，已經開始飽喇！結果唯有放棄，努力食埋枱面嘅食物，不過，我絕對冇浪費㗎，仲幫手照鏡㖭！P.S. 希望好快，佢哋搵到新地方，可以重新開張啦！因為不論食物、環境、質素、服務 ………… 我都好滿意，當然，唔否認可能係因為，我係平日嘅下晝去，所以，令我覺得可以 hea、寧靜同放鬆啦！😍👍🏻😋💪🏻😍👍🏻😋💪🏻