影片
更多
2022-04-20
1543 瀏覽
見到openrice咁多差評冇好評就知呢間舖冇買坊間啲打手套餐，咁多負評，我就去一睹盧山真面目。去之前要打聽下佢執笠未，上社交平台見到仲有出post，就whatsapp問下幾錢一位。復活節假期最後一日，仲未有晚市堂食，所以6點後冇嘢食，可以淨玩貓同埋去坐下，優惠價$48。平時$68/小時（包一飲品），續鐘$38又係包野食/飲品。 唔算貴，我哋住喺附近，就決定直接過去。店內實況地方唔大，但唔會好似出面小店咁將啲枱擺到密質質，呢度仲有好多地方俾貓貓瞓、玩、滾地沙。 貓貓一般都瞓緊覺㗎喇，我屋企嗰隻都係咁，瞓飽食醉緊係瞓到大天光，其實代表主人照顧得佢哋好好，食得好住得好，唔使好似其他貓cafe咁要接客咁辛苦。（其他貓cafe仲會賣零食俾客去餵俾自己店嘅貓咪.......簡直係做生意嘅勁人，又賺錢，同時又餵飽自己啲貓，所以啲貓勁熱情咁接客）貓貓呢度啲貓貓都係超溫純同超懶，但同時都係超乾淨，一啲味都冇。瞓到成隻豬咁。呢隻喺兩個鐘內都冇醒過。呢隻好鍾意摸摸，一停咗就起身要人再摸。呢隻係八掛妹，周圍睇人做緊咩。呢隻係百厭仔，又試圖越獄又玩到反晒肚，又衝嚟衝去，佢仲成日嚇親，彈起咗幾次。 嘢食 我嚟呢
去之前要打聽下佢執笠未，上社交平台見到仲有出post，就whatsapp問下幾錢一位。復活節假期最後一日，仲未有晚市堂食，所以6點後冇嘢食，可以淨玩貓同埋去坐下，優惠價$48。平時$68/小時（包一飲品），續鐘$38又係包野食/飲品。 唔算貴，我哋住喺附近，就決定直接過去。店內實況
地方唔大，但唔會好似出面小店咁將啲枱擺到密質質，呢度仲有好多地方俾貓貓瞓、玩、滾地沙。
貓貓一般都瞓緊覺㗎喇，我屋企嗰隻都係咁，瞓飽食醉緊係瞓到大天光，其實代表主人照顧得佢哋好好，食得好住得好，唔使好似其他貓cafe咁要接客咁辛苦。（其他貓cafe仲會賣零食俾客去餵俾自己店嘅貓咪.......簡直係做生意嘅勁人，又賺錢，同時又餵飽自己啲貓，所以啲貓勁熱情咁接客）
貓貓
呢度啲貓貓都係超溫純同超懶，但同時都係超乾淨，一啲味都冇。
瞓到成隻豬咁。
呢隻喺兩個鐘內都冇醒過。
呢隻好鍾意摸摸，一停咗就起身要人再摸。
呢隻係八掛妹，周圍睇人做緊咩。
呢隻係百厭仔，又試圖越獄又玩到反晒肚，又衝嚟衝去，佢仲成日嚇親，彈起咗幾次。
嘢食
我嚟呢度主要玩貓睇貓，真係冇諗住影嘢食，係最後覺得要寫食評為呢間嘢平反下，先至影咗張就飲完嘅嘢飲嘅相。
抹茶紅豆千層蛋糕
33 瀏覽
0 讚好
0 留言
呢個千層蛋糕其實真係麻麻哋，比較乾同硬，但尚可入口，但唔會encore
特濃朱古力
15 瀏覽
0 讚好
0 留言
特濃朱古力，比平常苦啲嘅朱古力飲品，OK喇，可以飲好耐，另外我哋仲有嗌沙冰，我覺得仲好飲啲，都軟滑嘅。
仲有嗌咗兜薯條，堅係新鮮出爐，脆薄博。
--------
總結
其實我最想講嘅係，去咗好幾間貓cafe，每間都有佢嘅style，有啲貓會熱情啲，會爬你嘅身，但呢個可能係警號，可能佢哋食唔飽想搵你拎嘢食，可能佢唔夠地方瞓要瞓喺你度。
要評論一間貓cafe，嘢食我諗只佔總評30%，呢個亦都係點解某間U字頭貓cafe咁爆棚（嗰邊嘢食比較豐富有造型，貓貓數量多又會係你身邊行嚟行去，但其實嗰度冇呢度咁貓貓friendly，又迫又多人）。
我比較着緊貓貓同地方係唔係乾淨，貓貓係咪住得舒服，而且唔會被迫接客。 而呢間我見到貓貓係好悠然自在，身心健康，想玩就玩，想瞓就瞓。去貓cafe記得要尊重貓係一個獨立生物，而唔係任意俾你搓圓撳扁嘅公仔。
所以舒服程度呢度係5分，食物就3分，貓貓得意程度係爆棚呀～
張貼
