小房子 (已搬遷) 新店位置

由於係朋友ig見到佢去過呢間店，除咗無限時間任你hea，仲見到有貓貓，即刻令我呢個鍾意貓貓嘅人都想去。於是就約咗其他朋友當晚係小房子聚會。當晚雖然係平日，但一上去已經有唔少靚位被人霸咗。不過其實地方本身都唔大，一眼望哂。見到有人專登上去做功課，當係自修室咁，都幾安靜。搞到我地都唔敢太嘈添haha。望一望餐牌，真係無咩野食。最終叫咗茄醬肉丸麵同三文魚鬆麵。唔記得兩款麵邊款點點下就賣哂，有點無奈。除咗茄醬肉丸麵同三文魚鬆麵，仲有沙律做前菜。不過整體而言，麵同沙律都係普普通通。比較似係家常菜嘅感覺，味道唔係特別好食。我都認同呢間店嘅食物真係偏貴，但性價比亦唔高。不過值得一提嘅係店入面嘅貓貓都好溫馴，都係任摸唔嬲，好乖。有時仲會擺啲奇怪姿勢休息haha，心情都會得到治癒，係幾放鬆嘅。店入面有位置比客人席地而坐，仲有烏克麗麗玩，都幾特別。總括而言，如果係為咗食物我覺得旺角絕對有更多更好嘅選擇，因為呢到有機會令你失望。但如果係想搵地方靜靜地坐下、傾下計、或者同貓貓一齊放鬆，呢到會係唔錯嘅選擇。