皊叄木

營業中

休息中

店舖就近朗屏站B1出口，位置都算就腳，附近有唔少既平民小店。店舖面積唔算大，但裝修好別緻，特別有溫馨感。我和朋友分別叫了一個午市定食，定食除了自己選擇既主食外，仲包括蒸蛋、麵豉湯、漬物和前菜。今次有炸雞前菜、青瓜漬物及日式蒸蛋。炸雞外皮脆口，配有芥未味的千島醬。青瓜配上甜豉油及芝麻，爽脆可口。蒸蛋蒸得幾滑溜，內有海鮮及表面有黑松露，十分香口。燒自家制馬友一夜干馬友一夜干燒得非常好，不會油膩同時亦唔會有乾既感覺。魚皮一面燒得焦脆，香味可口，至於魚肉方面，則保留了魚肉的鮮嫩味。鹽燒牛舌及自家炆牛舌鹽燒牛舌一串有三件，非常厚肉及有咬口，相對香口。而自家炆的牛舌就相對軟身以及入味，一個價值兩種享受。值得一提套餐的碗碟都好可愛，個個都印有貓圖案，連筷子座都是貓公仔設計，愛貓人士黎到應該會幾興奮。