貓抓烤肉

營業中

休息中

以我呢個貓痴，一見到呢間野就點都要試下，加上凍凍地，食燒烤就啱晒。搭𨋢上去一入門就見到大大隻係度，去坐位既走朗中途都有d好正既海報，充滿有趣既句語，同埋仲有其他既貓裝飾。坐位都好寬敞，坐得都幾舒服，點單都係我鍾意既QR code落單可以慢慢唸又唔使人等。枱面基本上需要既野都有齊，有水有紙巾有調味料。由於家姐都係鍾意多菜少肉，所以我地今次都唔算點左太多肉既野。。但燒烤當然都要有肉，所以點左碟貓爪泡椒肥牛，上枱見到d肉都幾靚，冇想像中既超辣。另外點左貓爪芝士雞肉，份量好足呢個我就推介點萬能乾料會令到個雞更加香。佢個menu都有唔少小食。叫左泰式沙巴魚，d肉好滑，配左d入左味既麵係底，酸酸甜甜好正。烤茄子同出面烤茄子有少少分別，帶少少酸味，好開胃。仲有個貓爪鐵板豆腐，豆腐上面有d燒汁同香蔥係上面，夠晒味。同埋值得一讚既係，佢地會好頻密咁幫你清洗同更換烤盤，係其他炸肉店比較少。