Comma Cafe

營業中

休息中

喺旺角登打士街鉄火堂隔離嘅後行，隱藏住一座大廈入口。喺依座商業中心嘅14樓，隱藏咗一間好特別嘅Cafe。依度，係有𡃁𡃁花花牆、可愛貓貓、萌萌女僕、有Board Game，仲有美味食物嘅Comma Cafe。三五知己一齊嚟食飯傾偈，自己一個嚟陪下貓貓，同女僕傾吓偈亦得。今日難得放假，我就上咗去食個飯，飲杯嘢relax一下。𡃁𡃁花花牆同可愛貓貓係歡迎大家影吓相打卡嘅，不過萌萌女僕就唔可以偷影同亂摸喇。大家記得遵守宅邸守則呀，唔係嘅話被萌萌女僕趕出門口就好肉酸嫁喇。黑松露忌廉鴨胸意大利粉相當之惹味。忌廉味香濃得嚟，完全掛到上意大利粉。而黑松露令忌廉汁味道提升不少。意粉仲有唔少嘅蘑菇片同埋蜆肉。鴨胸片全部都有煎香，滲透出陣陣油香。香燈綠茶喺我好中意飲嘅飲品，看似簡單，但比例都要調得合適，味道先會balance。