影片
更多
2016-12-07
399 瀏覽
由細到大都鐘意狗多過貓，覺得貓比較冷酷，無咁熱情。但貓奴朋友話好想去貓貓Cafe，仲話呢到有個靚靚Tea Set櫃好吸引，唯有陪佢去食個tea啦 星期日嘅下午，全場滿座，大量貓奴捧場！ 一坐低，店員為我們細心介紹駐店嘅主子，每隻都有非常有趣嘅名，我地一路聽一路笑。 店員講解得好詳盡，對店內嘅一五一十都在分了解！ 右手邊黑白色嘅叫 野口同學，好鬼活潑，跳跳紮紮咁！ 女皇 長期都瞓覺，唔怪得咁肥咁大份啦！摸佢都無反應唔理人！ 咖哩哥哥 最後生，係咁多隻之中我最鍾意的！ 點了個Mr. & Mrs. 招牌二人全日咸甜點貓衣櫥，最期待嘅終於黎左啦！ 上桌時個衣櫥係關上架，一打開就會飄出白煙，好夢幻 咸甜點Set的款式比想像中多，一共有10款，另外再包2杯飲品。 開胃前點：煙三文魚配忌廉芝士醬、意大利巴瑪火腿配蜜瓜 甜點：香濃朱古力布朗尼、香鬆蝴蝶酥、鮮焗流心芝士撻、白玉紅豆抹茶雪糕、鮮製木糠布丁、自家製明治4.3牛奶布丁、綠茶牛奶醬多士和廚師精選蛋糕。 眾多款甜咸點中，綠茶牛奶醬多士 令我印象非常深刻！個綠茶牛奶醬相當出色，唔單止有濃濃嘅抹茶苦澀味，回甘味道都好出。一間小小的Caf
但貓奴朋友話好想去貓貓Cafe，仲話呢到有個靚靚Tea Set櫃好吸引，唯有陪佢去食個tea啦
星期日嘅下午，全場滿座，大量貓奴捧場！
一坐低，店員為我們細心介紹駐店嘅主子，每隻都有非常有趣嘅名，我地一路聽一路笑。 店員講解得好詳盡，對店內嘅一五一十都在分了解！
右手邊黑白色嘅叫 野口同學，好鬼活潑，跳跳紮紮咁！
女皇 長期都瞓覺，唔怪得咁肥咁大份啦！摸佢都無反應唔理人！
咖哩哥哥 最後生，係咁多隻之中我最鍾意的！
點了個Mr. & Mrs. 招牌二人全日咸甜點貓衣櫥，最期待嘅終於黎左啦！ 上桌時個衣櫥係關上架，一打開就會飄出白煙，好夢幻 咸甜點Set的款式比想像中多，一共有10款，另外再包2杯飲品。
開胃前點：煙三文魚配忌廉芝士醬、意大利巴瑪火腿配蜜瓜
甜點：香濃朱古力布朗尼、香鬆蝴蝶酥、鮮焗流心芝士撻、白玉紅豆抹茶雪糕、鮮製木糠布丁、自家製明治4.3牛奶布丁、綠茶牛奶醬多士和廚師精選蛋糕。
眾多款甜咸點中，綠茶牛奶醬多士 令我印象非常深刻！
個綠茶牛奶醬相當出色，唔單止有濃濃嘅抹茶苦澀味，回甘味道都好出。
一間小小的Café竟然用上咁美味嘅抹茶醬，實在係好意外！
每一啖多士都點好多抹茶醬食，食得好滿足！
鮮焗流心芝士撻
雖然上桌時芝士撻唔係熱辣辣，但中間的芝士餡料質感仍是軟滑。
味道同平時芝士撻專門店相若，芝士濃香好食。
自家製明治4.3牛奶布丁
牛奶味勁香，魚膠粉份量落得恰當，
食落唔會太硬，每一口都好滑溜。
糖比外間嘅牛乳布丁落得少，無咁甜，相對更健康。
Café Tea Set黎講，質素偏高，講真都幾意外！諗住呢到主要係sell貓貓主題，諗都無諗過對食物有任何期望，估唔到食物又幾唔錯，比起某間五星酒店嘅tea set更好食！整體食物份量多，兩個女仔有可能會食唔哂。
凍手工果茶、青檸梳打 飲品兩杯都正常，無話好突出好好飲，但夏天飲凍冰冰咁都算解渴！
題外話/補充資料：
另外，本身以為呢到會好大陣貓味，原來唔會。而且每隻貓貓都打理得好整潔，毛髮順滑，隻隻都好靚仔靚女！
(以上食評乃用戶個人意見 , 並不代表OpenRice之觀點。)
張貼
