影片
更多
2018-10-23
279 瀏覽
今日朋友約咗我食飯，話比個驚喜我，唔講我知間餐廳叫咩名，只叫我去旺角等，跟住佢帶咗我上去一間樓上cafe，去到餐廳門口，先要套上鞋套，我已經覺得有啲奇怪，推開門入去，果然內有乾坤。😲😲一打開門，已經有數十隻貓貓喺度迎賓🐈🐱🐺，原來呢度係一間有貓咪嘅cafe，起初都有啲嚇傻咗，真係太多啦，不過佢哋真係太可愛啦😻😻，慢慢已經慣咗，佢哋完全唔怕人，而且非常痴人，有時你食食吓飯，佢會跳上嚟嗲你抱住佢，不停賣萌😽，真係cute爆！😸而入座時，店員會比張店舖須知嘅牌你，確保比客人知要點樣同貓貓相處。如果想餵貓貓食嘢，要喺店舖買貓小食，每盒18蚊。見到隔離檯有客人買咗，一打開罐頭，數十隻貓已經會即時圍住你，非常為食😹！店員仲會比張申請表客人填寫簡單資料，申請做會員，會員卡可以儲印仔，儲夠5個印仔有得換免費心太軟，10個印仔就換到小食拼盤一客。呢度仲有免費wifi，比你一邊食住嘢、一邊同朋友傾計、一邊同貓咪玩、一邊上網，好relax！😌😌而呢度最低消費每位$100🤑，如果兩個人👭食可以揀個2人餐都好方便，又有湯，沙律🥗，主菜同飲品🍹。如果唔夠嘅話仲可以加$28要個小食拼盤同埋加$18有法式焦糖燉蛋。🍮
今日朋友約咗我食飯，話比個驚喜我，唔講我知間餐廳叫咩名，只叫我去旺角等，跟住佢帶咗我上去一間樓上cafe，去到餐廳門口，先要套上鞋套，我已經覺得有啲奇怪，推開門入去，果然內有乾坤。😲😲
一打開門，已經有數十隻貓貓喺度迎賓🐈🐱🐺，原來呢度係一間有貓咪嘅cafe，起初都有啲嚇傻咗，真係太多啦，不過佢哋真係太可愛啦😻😻，慢慢已經慣咗，佢哋完全唔怕人，而且非常痴人，有時你食食吓飯，佢會跳上嚟嗲你抱住佢，不停賣萌😽，真係cute爆！😸
而入座時，店員會比張店舖須知嘅牌你，確保比客人知要點樣同貓貓相處。如果想餵貓貓食嘢，要喺店舖買貓小食，每盒18蚊。見到隔離檯有客人買咗，一打開罐頭，數十隻貓已經會即時圍住你，非常為食😹！店員仲會比張申請表客人填寫簡單資料，申請做會員，會員卡可以儲印仔，儲夠5個印仔有得換免費心太軟，10個印仔就換到小食拼盤一客。呢度仲有免費wifi，比你一邊食住嘢、一邊同朋友傾計、一邊同貓咪玩、一邊上網，好relax！😌😌
而呢度最低消費每位$100🤑，如果兩個人👭食可以揀個2人餐都好方便，又有湯，沙律🥗，主菜同飲品🍹。如果唔夠嘅話仲可以加$28要個小食拼盤同埋加$18有法式焦糖燉蛋。🍮
餐湯方面係磨菇忌廉湯，忌廉味好濃，非常creamy，好好味，加上湯上面有少少香草，更可以帶出其香味。
沙律方面🥗，蔬菜新鮮爽口，有少少粟米🌽，加埋少少麻醬調味就更加好味。
主菜就揀咗黑松露野菌大啡菇配忌廉意大利飯，意大利飯好creamy，黑松露味突出，完全滲透晒落每一位飯度，野菌同埋大啡菇嘅份量都好足夠。
另一個主菜就揀咗西班牙黑毛豬肋骨配薯菜，豬肋骨都好入味，加埋茄汁嚟食，更加惹味，薯角亦炸得金黃脆口。😋
食完飯，仲有2杯$38以下嘅飲品飲品🍹，其他就補差價，叫咗一杯熱檸水🍵，同埋另一杯就加$4要咗杯洛神紅莓荔枝梳打，淡淡嘅荔枝味好香🍸，唔會太甜。
同貓貓玩完成身都係毛毛，不過店主好細心預備咗啲碌比客人碌乾淨衫上嘅毛髮。臨走時，貓咪都仲瞓咗喺門口位，好似好唔捨得我哋咁~ 下次再去探貓貓啦 ！🐺🐱😘
張貼
