The Yell-Owl Seafood And Grill (已結業)

之前試過佢d 早餐，覺得唔錯，今晚特登黎試下佢d 晚餐，呢間以貓頭鷹為主題既餐廳，門口有貓頭鷹圖案，好易認，餐廳座位夠闊落，如果帶寵物黎，可以坐門口。原隻龍蝦蟹肉牛油果沙律龍蝦新鮮，彈牙，牛油果沙律好鮮甜，creamy 既牛油果配龍蝦好夾。M5和牛肉眼扒配薯條，西蘭花肉眼扒好厚身，5成熟剛剛好，肉質嫩滑，軟熟，呈粉紅色，M5和牛品質有保証，牛肉味香濃，唔洗點醬汁都好夠味，配菜可以選2款，薯條又粗又厚身，炸到香脆。