Hami Harmony (已結業)

🍴Hami Harminy@太子🍴 今日Lunch Time 係太子附近，行過見到呢間Cafe個門口好靚，仲有一啲聖誕嘅裝飾，吸引咗我入去食個Lunch🥰入面裝修好靚，以貓頭鷹做主題。食物味道都唔錯，特別推介個甜品。上網睇先知，原來呢間小店就嚟要結業啦，大家趁聖誕節快啲嚟試吓啦！------------------------------🟠香煎刺身帶子青醬貓耳朵粉 $95小編好鍾意食帶子又好鍾意食青醬，所以就揀咗呢碟貓耳粉啦！帶子煎得好香唔會過火，青醬夠味同埋比較結身，貓耳朵粉比較硬身好有咬口，煙煙韌韌咁😋.🔵泡沫咖啡（Lunch set +$18)小編好鍾意飲咖啡，所以就叫咗杯咖啡嚟飲。咖啡味香又滑，唔會有苦澀味。. 🟢香蕉拖肥批$52重點推介呢個甜品！拖肥聽落去好似甜，但呢個甜品完全唔會過甜過膩。第一啖會食到合桃，食到中間就有忌廉同埋香蕉，去到最底就有消化餅底。多重口感，樣樣加埋都好夾好好食！