影片
更多
2022-10-17
31 瀏覽
元朗出名都多嘢食, 今晚約咗朋友出面交收, 順便同佢一齊去食個高質嘅晚餐, 沿著安樂路, 再轉入泰利街, 有間食西餐嘅The Yell-Owl Seafood and Grill都唔錯。餐廳好易認, 門口掛住嘅招牌有貓頭鷹logo🦉, 入到餐廳收銀處都有一個好大嘅貓頭鷹🦉LED燈。 門口有兩張枱, 可以比帶住狗仔嘅朋友仔一齊食。 坐低之後, 檯面都會見到貓頭鷹🦉鹽樽, 胡椒樽, 餐廳仲有好多其他貓頭鷹🦉裝飾。呢間餐廳出名食all day Breakfast , 我哋六點半🕢嚟到, 唯有食晚餐。 晚餐價錢都算合理 $238一位, 有四款晚餐🍽️比你揀!👍🏻白藜麥蕃茄沙律🥗+是日餐湯每個餐都配有沙律及甘筍湯! 白藜麥沙律感覺好清新, 好健康, 沙律配有自家製芝麻醬。 甘筍湯好清甜, 仲好creamy。😋燒紐約西冷扒🥩配乾蔥忌廉汁燴薯粒🍟及扒甘筍條🥕西冷扒叫咗medium well, 肉質嫩滑, 唔係好韌, 牛肉味都好香濃。乾蔥忌廉汁配薯粒好惹味, 有濃濃嘅忌廉香味, 我覺得好好食😋 牛扒再配上烤焗蒜頭同海鹽粒一齊食, 味道非常之豐富。香辣🌶️蕃茄汁🍅巴馬火腿🥓意大利飯意大利飯煮得煙煙韌
餐廳好易認, 門口掛住嘅招牌有貓頭鷹logo🦉, 入到餐廳收銀處都有一個好大嘅貓頭鷹🦉LED燈。 門口有兩張枱, 可以比帶住狗仔嘅朋友仔一齊食。 坐低之後, 檯面都會見到貓頭鷹🦉鹽樽, 胡椒樽, 餐廳仲有好多其他貓頭鷹🦉裝飾。
呢間餐廳出名食all day Breakfast , 我哋六點半🕢嚟到, 唯有食晚餐。 晚餐價錢都算合理 $238一位, 有四款晚餐🍽️比你揀!👍🏻
白藜麥蕃茄沙律🥗+是日餐湯
每個餐都配有沙律及甘筍湯! 白藜麥沙律感覺好清新, 好健康, 沙律配有自家製芝麻醬。 甘筍湯好清甜, 仲好creamy。😋
燒紐約西冷扒🥩配乾蔥忌廉汁燴薯粒🍟及扒甘筍條🥕
西冷扒叫咗medium well, 肉質嫩滑, 唔係好韌, 牛肉味都好香濃。乾蔥忌廉汁配薯粒好惹味, 有濃濃嘅忌廉香味, 我覺得好好食😋 牛扒再配上烤焗蒜頭同海鹽粒一齊食, 味道非常之豐富。
香辣🌶️蕃茄汁🍅巴馬火腿🥓意大利飯
意大利飯煮得煙煙韌韌, 食落有少少香辣味嘅蕃茄汁, 飯面有一片片嘅mozzarella芝士片🧀同巴馬火腿好夾, 越食越想食, 淨係食呢個飯都已經飽哂😂
鑽石蜆拼藍青口🍴
仲可以加$88要埋呢個蒜蓉牛油煮嘅 鑽石蜆配藍青, 食到好香蒜蓉味, 蒜蓉牛油真係同海鮮好夾, 非常之惹味!
Mocktails - Sunrise🍹
套餐可以加$20轉mocktails, 我就叫咗呢杯酸酸甜甜, 有檸檬同西柚味嘅sunrise , 顏色好靚!
朋友就叫咗凍檸檬茶! 🥤 大大杯嘅檸檬茶茶味都好香, 亦都夠哂濃郁!
舖名:The Yell-Owl Seafood and Grill
地址: 元朗泰利街1-29號大興大廈地下6-7號舖
#hkfoodie#hkfood#元朗#元朗美食#香港美食#西餐#元朗cafe#cafe#打卡#泰利街#TheYellOwlSeafoodandGrill# 西冷扒#意大利飯
張貼
