影片
更多
2021-05-16
2352 瀏覽
話呢間係一間‘貓頭鷹’餐廳一啲都冇錯，四周圍都係貓頭鷹嘅擺設裝飾，連用嘅杯碟都係有貓頭鷹。已經唔係第一次黎食，但每次黎都係*必食*厚燒牛舌牛舌燒到啱啱好，一啲都唔韌，雖然頭果一塊有小小燒焦咗小小，但都唔係太影響口感。串燒加咗鹽同黑胡椒，同加咗小小檸檬汁，食完成口都係牛舌嘅油香，但又唔覺得好膩。荔枝豚肉荔枝豚肉係另一個必食嘅串燒，呢款都只係咗小小鹽去燒，配合豚肉外脆鹹香、荔枝香甜多汁，呢個組合一流！之前都有試過士多啤梨豚肉其他生果嘅組合，但始終都係覺得荔枝豚肉呢個組合最好！叫呢款係要兩串起跳嘅。佢介有個推介係燒白鱔，今次就第一次食。串白鱔基本上都係外脆內軟，冇配汁嘅。可能事前冇醃製過，食得出魚有小小淡水魚果種泥水味。我自己就應該唔會再叫啦！今次仲試咗燒鱈魚，呢個燒鱈魚個皮都有小小脆脆地，個燒汁唔係偏甜果種，食落口感冇咩特別，不過不失咁。本身係想食之前午市食過嘅牛扒/牛肉飯嘅，但原來晚市嘅牛扒係單點嘅冇配飯，只好單點咗個牛扒。唔知係記錯上次係叫牛扒定牛肉，反正對今次嘅牛扒有小小失望。最後仲叫咗兩個燒飯團🍙。一個係木魚，一個係明太子。本身想叫個白飯配牛扒食嘅，但個牛扒有小小失望嘅情況下，改叫
已經唔係第一次黎食，但每次黎都係*必食*
厚燒牛舌
牛舌燒到啱啱好，一啲都唔韌，雖然頭果一塊有小小燒焦咗小小，但都唔係太影響口感。串燒加咗鹽同黑胡椒，同加咗小小檸檬汁，食完成口都係牛舌嘅油香，但又唔覺得好膩。
厚燒牛舌
56 瀏覽
1 讚好
0 留言
荔枝豚肉
荔枝豚肉係另一個必食嘅串燒，呢款都只係咗小小鹽去燒，配合豚肉外脆鹹香、荔枝香甜多汁，呢個組合一流！之前都有試過士多啤梨豚肉其他生果嘅組合，但始終都係覺得荔枝豚肉呢個組合最好！叫呢款係要兩串起跳嘅。
荔枝豚肉串
50 瀏覽
0 讚好
0 留言
佢介有個推介係燒白鱔，今次就第一次食。串白鱔基本上都係外脆內軟，冇配汁嘅。可能事前冇醃製過，食得出魚有小小淡水魚果種泥水味。我自己就應該唔會再叫啦！
燒白鱔
45 瀏覽
0 讚好
0 留言
今次仲試咗燒鱈魚，呢個燒鱈魚個皮都有小小脆脆地，個燒汁唔係偏甜果種，食落口感冇咩特別，不過不失咁。
燒鱈魚
39 瀏覽
0 讚好
0 留言
本身係想食之前午市食過嘅牛扒/牛肉飯嘅，但原來晚市嘅牛扒係單點嘅冇配飯，只好單點咗個牛扒。唔知係記錯上次係叫牛扒定牛肉，反正對今次嘅牛扒有小小失望。
燒牛扒
32 瀏覽
0 讚好
0 留言
最後仲叫咗兩個燒飯團🍙。一個係木魚，一個係明太子。本身想叫個白飯配牛扒食嘅，但個牛扒有小小失望嘅情況下，改叫燒飯團。飯團脆得黎唔係燒到死硬果種，飯團外有小小沙律醬嘅香味，入面嘅料冇乜汁嘅，但食落唔係好乾嘅。都可以試一下嘅。
燒飯團
37 瀏覽
0 讚好
0 留言
成餐埋單平均人均$250左右啦，個人比較欣賞佢哋嘅串燒，食午市嘅話性價比會比較高啲。因為佢哋都係有小小家庭式經營嘅感覺，都係幾溫馨嘅。不過環境就唔係好闊落啦，因為食物質素都可以，座位又唔多，所以如果要去食，繁忙時間最好都係訂訂位比較好啲。
張貼
