貝‧料理 (已結業)

收到風旺角有一間主打貝類料理嘅餐廳，就安排咗一個閒日試吓佢個午市set 先。松set 總共有六道料理- 時令貝蕃茄野菜沙律由於預約咗，坐低之後就好快上菜，今日係北寄貝，新鮮爽甜。- 帆立貝和風漬物醃過嘅帶子仲有腌蒜頭，夠曬入味。- 季節貝湯柱貝龍蝦湯，強勁嘅龍蝦湯味加上豆腐、海帶仲有柱貝做成日式風味。- 清酒煮蜆三隻大馬刀貝，清酒湯浸熟，清甜爽口，裡面D清酒清湯都好好味- 鐵板燒牛扒 + 貝炒野菜到主菜，可以揀魚或者牛，油脂強嘅牛扒加上貝類炒雜菜，呢個我就食唔出係乜嘢貝類，可能係小象拔蚌之類。- 鐵板燒貝類炒飯埋尾食埋個帶子炒飯。師傅喺你面前炒嘅特別有鑊氣。