貝‧料理 (已結業)

聽聞旺角新開左一間貝類omakase，部分料理仲係用鐵板燒即席燒製，咁特別緊係要約朋友一齊去試下啦！午市套餐分三個價錢$280、$380同$580，我地簡左$380既套餐。貝類席前料理 •竹共有六道料理時令貝蕃茄野菜沙律磯煮南非鮑魚季節貝湯日式清酒煮蜆鐵板燒日本A4和牛＋貝炒野菜鐵板燒貝類炒飯鮑魚肉質鮮嫩彈牙，鮑魚吸收左濃郁既湯汁，鮮味十足！蕃茄野菜沙律配上北寄貝，肉質爽口彈牙！海鮮湯濃郁得黎又鮮味，還加上豆腐粒和貝柱提升湯汁既口感，還配大大隻白貝。三大隻馬刀貝，貝肉脹卜卜大大粒，湯味唔濃、略帶酒味，清清哋突出蜆肉鮮味。和牛油脂豐富，肉味濃郁，一咬開油花四濺，配新鮮貝類炒雜菜，可以平衡返油膩感。師傅先將蛋汁拌勻白飯再炒，再混入帶子和配料，飯炒得粒粒分明，非常乾身，好有鑊氣。