潮州人粉麵店

營業中

休息中

上個月22號因為之前睇到D KOL介紹，所以專登試吓係咪咁好食😅，朝上11點門口就已經係排緊隊，好典型嘅家庭式舖頭仔，座位唔多。入舖前職員幫客人已經落咗order。我叫左碗大豬雜河，冇指定部位，所以有豬粉腸、豬膶、豬肺同豬心，全部都冇豬腥膻味、幾新鮮，唯一係豬粉腸洗得稍為太乾淨、冇乜肥膏，變咗口感冇咁豐富。本身有啲擔心豬肺可能會煮得太生或者太乾，好彩剛剛好，配埋佢地嘅辣醬堅正，最後忍不住加左落去成碗粉，味道層次更上一層樓😋。另外醎菜對於本人就太鹹，味道同南記感覺差唔多😅整體來講，$47大碗豬雜河，本人覺得物有所值，而且非常近地鐵站，對於我呢啲區外人都好方便😊。