潮州人粉麵店

營業中

休息中

呢間舖頭不嬲都好多人排隊，永遠都有一條人龍喺度，想食佢真係有啲難！今日剛好經過西營盤，見到有四五個人，馬上排隊！真係未試過可以排隊5分鐘就有得食！大開心了！嚟到潮州人，應該係食啲豬什，但今日反而好想食牛，所以嗌咗三餸配米粉，揀咗牛筋、牛腩同鮮牛肉！再叫咗一份鮮牛油多士，再配埋杯凍檸茶！就係一個完美嘅午餐！店員喺5分鐘後就即刻送上食物，份量都幾大碗！見到米粉上面鋪滿好多餸，最開心嘅係有西芹碎喺上面，我即刻加咗啲冬菜，再配埋佢秘製嘅辣椒油！真係好正！湯底飲得好舒服，加上濃濃嘅西芹香味，真係好好味！首先講吓啲牛筋，真係好正！軟腍腍得嚟，又醃得好入味！正！跟住就到牛腩，呢個反而有啲失色，有少少嚡口，下次可以叫第二樣。跟住就到鮮牛肉，呢個真係冇得頂，嚟到仲係有啲鮮粉紅色，證明啱啱淥起，啱啱熟，軟腍得來唔會過老，而且又好重牛肉味！呢個係值得推介！佢嘅辣椒油亦都係一絕，非常之辣！而且又好香！最後加埋鮮牛油多士，食到又熱又凍嘅感覺，真係好match！今日真係不枉此行！

想試好耐，終於，唔洗排隊添，賣緊既特製辣椒醬已經預訂到一月，so crazy本身好鍾意河粉，牛腩新鮮，一啲都唔肥，湯既鮮味足，本身好怕會太鹹，但係 so far 味道適宜如果路過肚餓，一定會再入黎食

已經食咗好幾年每次嚟都要排隊有時早啲放lunch 11.9嚟到就可以排少啲😂通常排隊嘅時候阿姐已經會出嚟問你食乜所以可以一早望定揀咩餸通常我都會叫豬潤牛肉入到去坐低嘅時候等多幾分鐘就可以有得食湯底絕對一流有啲似冬天食胡椒豬肚鍋嘅濃縮版每次我都會飲晒啲湯先走豬潤同牛肉都係煮到啱啱好牛肉帶少少粉紅再浸吓湯就剛剛好有肉味 亦都唔會「那」得過分豬潤薄切，但係份量都幾多辣椒油自家製 相當香辣超多人預訂，而家訂已經到下年一月才有我見有客一口氣訂左十樽另外試過鮮油多真係一般塊牛油薄到上枱嘅時候已經融哂

西環達濠仔。門口長龍有氣勢。正宗潮汕味。對個口。fit個胃。唔啱傾偈。人聲鼎沸。一碗豬潤粉腸河。不怕肥。材料份量足。等一陣就嚟。可惜座位編排太無稽。面壁制唔制？玩自閉。遇上抄牌。魂魄不齊。服務員前仆後繼。專業自成一系。豬潤薄切不贊成。三十六計。慳皮閉翳。厚切口感冇得揮。粉腸畀得大方。其實此物矜貴。粥品麵食舖。列為高消費。河粉太冧。很難補飛。另碗魚蛋豬潤粉。只論魚蛋數量。其他免提。得兩粒。包你唔會滯！香港魚蛋。蜚聲國際。老細！

有次我入去，見到仲有兩枱客食緊， 之後話唔做生意了，就快收工， 我出返去，個侍應姐姐好惡咁鬧，踏污糟曬個地下 ，好奇怪莫非嗰兩枱客食完走嗰陣時又唔踏污糟個地下？ 個惡侍應姐姐放工時， 行出去又唔污糟個地下咩？莫非惡侍應姐姐係飄嘅？？？

西環潮州粉麵選擇真係多呢間潮州人隔離都已經有間相似既粉麵今次係星期六中午1:15 左右黎到門口已經排緊長龍一排就排左大約半個鐘如果撞正夏天同好天出猛太陽的話都真係幾熱幾曬下今次黎試兩餸：牛肉。蝴蝶腩湯底夠曬胡椒辣食過3 間西環既我偏向呢間湯底牛肉係鮮既推薦牛肉。蝴蝶腩

啱啱試咗潮州人嗰碗粉麵，食得出手藝同心思喎。三拼粉麵揀咗牛腩、魚皮餃同墨魚丸，湯底濃濃白胡椒香🌶️，喝一口暖笠笠，秒殺疲倦！牛腩啖啖肉，腍滑嫩口；墨魚丸同魚皮餃都係夠晒彈牙，每一啖都咁滿足。辣椒油落去，蒜香香辣辣，晒到太陽咁開心🌞。第二碗雙拼粉麵就攞牛肉同魚蛋，牛肉新鮮得黎無失色，咬落去微帶粉紅，好有嚼勁，魚蛋更加爆破，傳統手打風味好過癮！過翻癮，真係靚湯靚料，好味得黎又實在，畀個讚手指都捉唔住👍。下次要試下其他啲，肯定返嚟約戰牛筋同蝴蝶腩。要講呀，這】【店食客多得滯，想安樂享受麵食，記得閃避高峰時間，唔係要等到啲牙長草㗎啦！🐢

天氣轉涼，就是要來一碗熱騰騰的豬雜麵啦！西環此餐廳帶來了這道香港經典美食，絕對讓你回味無窮！🔥豬雜麵以其獨特的背景故事而聞名。選用新鮮的豬內臟和豬肉，到慢慢熬製的高湯，打造出最美味的一口。👨‍🍳豬雜麵湯汁濃鬱，配上鮮嫩多汁的豬肉和豬內臟，口感豐富。每一口都能品嚐到豬肉的鮮甜和內臟🤤每一口都能讓你感受到香港傳統美食的魅力！🌟趁著天氣涼爽，來品嚐這道經典豬雜麵吧！#豬雜麵 #香港美食 #西環必食 #經典 #濃

話說我打電話外賣自取，店員話15分鐘後可以拿，點知去到等左半個鐘？！一直追 但係佢地只會prioritise 堂食 。。。所以由落單到自取係50分鐘,建議大家唔好買外賣 可以考慮堂食 條隊超長但起碼郁😂

於2023年12月9日，買了外賣，再駕駛15分鐘車程後進食。位於西環正街有兩間連着，都是潮州麵店，一間是潮州人，一間是達濠仔。潮州人-魚蛋、牛筋、魚片頭米粉 腩汁 分湯湯底分析🥣潮的胡椒味較突出。麵底分析🍜米粉，軟硬度都適中。餸菜分析🐖當日下午，潮很多餸菜已售光。選的魚片頭和魚蛋味道很普通，沒太多魚味，而牛筋很香濃，值得一試。另外，在潮額外點了鹹牛肉芝士三文治，芝士不像其他茶餐廳一塊塊，是乳體狀，濃烈的芝士味顯出牛肉味不夠鹹香，但稱得上85分小吃。有機會會早一點去潮食較出名的配搭

上個月22號因為之前睇到D KOL介紹，所以專登試吓係咪咁好食😅，朝上11點門口就已經係排緊隊，好典型嘅家庭式舖頭仔，座位唔多。入舖前職員幫客人已經落咗order。我叫左碗大豬雜河，冇指定部位，所以有豬粉腸、豬膶、豬肺同豬心，全部都冇豬腥膻味、幾新鮮，唯一係豬粉腸洗得稍為太乾淨、冇乜肥膏，變咗口感冇咁豐富。本身有啲擔心豬肺可能會煮得太生或者太乾，好彩剛剛好，配埋佢地嘅辣醬堅正，最後忍不住加左落去成碗粉，味道層次更上一層樓😋。另外醎菜對於本人就太鹹，味道同南記感覺差唔多😅整體來講，$47大碗豬雜河，本人覺得物有所值，而且非常近地鐵站，對於我呢啲區外人都好方便😊。

中午一點就已經排晒長龍，今次吸取教訓，下次一定早少少嚟！咁多人排隊，出品肯定有返咁上下，極力推薦牛丸湯河，炸魚皮，牛丸好彈牙，河粉好爽，湯底唔知用乜熬製，好重牛骨味，配搭得天衣無縫

喺西營盤正街呢一間出晒名嘅潮州粉，今日終於可以去試吓，點知！我11點50分去到，都仲要排隊！呢度食晏嘅時候起碼要排半個鐘，一個人嚟就可以快啲有位！嗰度有牛，有豬，牛雜到豬頭都有齊晒！Very delicious Chui Chow Style noddle 潮洲人 Beef brisket is tendon, the hot sauce is very 🔥🔥 the soup taste very good too牛腩好食，辣椒油勁辣🔥🔥個湯都好好飲！

早巳聽聞未夠12點都開始排隊，係咪真心咁好食先😏粉麵達人 @im_mstang 山長水遠走過嚟搵我食晏，仲點名要試呢間店。好啦！咁你去排定隊等我食飯啦☺️我都仲未出門，巳收到粉麵達人通知要落咗單先？！🤯🤯🤯咩料啊？仲有8個人係前面喎！嚇得我即刻飛叮叮嚟到正街….點知都未入得🙄嗯…整體嚟講，我哋兩個都覺得一般，比較之下隔離間粉麵店啱口味啲。唯一最大賣點係佢哋湯底與同區粉麵店唔同，有重重嘅胡椒味，好似飲胡椒豬肚湯咁。佢哋嘅魚皮好新鮮香脆，係比較厚身少少有咬口。而蝴蝶腩和魚皮餃喺同區有發掘到更好的。比較敗北嘅魚片頭，令粉麵達人失望，佢話認知中嘅魚片頭係軟滑！而我哋以為嘅「菜脯」，其實係好嘅咸梅菜乾？！除非你係胡椒腔，我個人覺得要排隊就可以略過。

同朋友走左去呢間成日都排長龍嘅魚蛋粉試下佢咩料，排左大約10分鐘就可以入去喇💃🏻，order左豬心、粉腸、蝴蝶腩麵$47(麵類係選用上海麵)，豬心同粉腸都好爽口，蝴蝶腩亦5痴牙😋、另外1碗order左豬肉丸，墨魚丸、牛柏葉河粉$47(牛柏葉質地比較煙靭，墨魚丸麻麻地，豬肉丸好爽口同好有豬肉味，河粉仲好滑😋)，仲order左油菜(只有白菜仔)$19同細炸魚皮$12,每個湯底都加左d胡椒粉，辣辣地食落好好味😋