影片
更多
2019-04-28
106 瀏覽
早幾日朋友生日,約左出來gathering! 呵,一班人緊係最好打邊爐啦! 其實邊爐打得多,近呢一年打邊爐都係食重慶火鍋多,都係想食返d港式火鍋! 上網睇到話CWB有間'漁火"好抵食,又新鮮!一于去試吓!打邊爐前,勁鬼肚餓,見到呢度有好多小食喎,一於試吓先! 朋友仔叫左個炸墨魚餅,我呢就叫左鬼馬油條! 兩樣都係好邪惡既即炸野,不過我鐘意! 墨魚餅咬到好多一粒粒既墨魚,真材實料,食落好彈牙,而外面炸到脆扑扑,正! 鬼馬油條呢,其實即係炸油炸鬼! 所謂鬼馬其實加左d墨魚滑一齊炸,好特別,有油炸鬼既香脆,又有墨魚滑既彈牙口感,配埋泰式酸辣醬食,好match!食左d小食,店長姐姐介紹話今日d刺身好正,有鱲魚食,而且比出面日本餐廳食既平,$3xx/條,所以highly recommend我地試下! 呵...聽落又真係好抵食喎,一于試吓個鱲魚刺身先!初先以為條魚唔大條,可能每人得幾片! 但估唔到上台果下一大盤喎! surprise....見到條魚都幾大下,好抵食喎,難怪店長咁推介啦! 鱲魚肉質好白滑,口感好彈牙,一食就知係即劏,唔係唔會有呢種口感! 魚肉幾清甜,唔錯喎! 最重要既係份量比想像中多好
炸墨魚餅
17 瀏覽
0 讚好
0 留言
鬼馬油條
10 瀏覽
0 讚好
0 留言
刺身
14 瀏覽
0 讚好
0 留言
6 瀏覽
0 讚好
0 留言
花膠雞湯翅煲
11 瀏覽
0 讚好
0 留言
終於到邊爐時間....成班女仔打邊爐,今次唔揀d咁熱氣既,見呢度有個"花膠雞湯翅煲",好似好補好滋陰咁,一于叫呢個先! 個鍋真係好正,有原隻凍瓜放係中間,入面有好多花膠同群翅,旁邊有原隻鮮雞!成個雞湯鍋真係好濃雞湯味! 正,呢種就係港式火鍋既味道!火鍋料呢,其實港式火鍋最緊要既,係用料好唔好同夠唔夠新鮮! 我地叫左一個海鮮併盤+牛併盤!
海鮮併盤-龍皇珍寶海鮮併盤
21 瀏覽
0 讚好
0 留言
海鮮併盤-龍皇珍寶海鮮併盤,個set雖然$688,但真係勁豐富架!!!! 除左有本地龍蝦外, 仲有好多種唔同既海鮮: 有龍躉班片/日本元貝/海中蝦/聖子皇/珊瑚蚌/桂花蚌!!! 哇,真係見到都心心眼! 全部都好新鮮! 尤其係個龍蝦,本地既係新鮮d既,好清甜! 至於龍躉片好厚肉又濃魚味,同個雞湯底好match! 其他樣樣都好新鮮,真係無得彈啊!
特選牛盛薈
17 瀏覽
0 讚好
0 留言
食完海鮮,打邊爐又點可以無牛牛呢! 估唔到呢度又幾多set叫喎! 有個特選牛盛薈,真係乜牛都有! 正! 有一口和牛柳粒 (入口size,粒粒都咁重牛味), 又有牛舌芯 (好薄好爽口,又唔似一般牛舌咁軔咁臊), 本地鮮牛頸脊 (非常鮮味, 牛頸脊始終係牛味最濃地方,而且無多餘肥肉,好爽!) 其他兩種仲有頂級prime牛肉&本地牛邊位,全部都好濃牛味,好好新鮮!
鮮魚腐&豬紅
4 瀏覽
0 讚好
0 留言
雜菜籃
5 瀏覽
0 讚好
0 留言
另外清清地都有叫個雜菜籃,全部都好fresh!
漁火整體黎講,樣樣野都好新鮮,而且好抵食!貨真價實,絕對係近年重慶火鍋外既一個港式火鍋既清泉!
張貼
