鴻福堂

營業中

休息中

見到佢出面話30蚊優惠 所以就入去睇 不過入到去價錢都仲係寫40幾蚊 我就問下個執貨既人 佢又話係30蚊 叫我照拎 不過最爆既係佢既貨放晒係地下 佢都唔夠位放入雪櫃 佢執極都擺唔晒 咁都唔知會唔會壞或者有細菌 好啦 都由佢 咁拎到去比錢 佢又彈40幾蚊 我咪又多口問多句有冇熱既同埋係咪30蚊囉 收銀個呀姐即刻發我皮氣話 得啦 係30蚊家啦 你洗乜理佢彈幾錢 嘩 嚇到我唔知以為我搶佢錢 算啦 返到公司就即刻飲下我呢個比人小完既30蚊靚湯一飲落去係中藥材味道重 主要係扁豆味 都好濃下 較張口既質感 應該黎自嚮螺 會有小小痴笠笠既感覺 入口都有好小既雞味 不過唔重 但會見到雞油係個湯上面 都算甜既個湯 至於木棉花同薏米本身就唔太重味 所以就完全飲唔出 不過因為有藥材味 感覺都足料 不過佢淨係湯 冇材料係入面 有好有唔好啦 我本身就都好鍾意食渣 好似我冇咩湯水飲30蚊買都低既