啡道 (已結業)

我最鍾意試新野，今日路經銅鑼灣，當然要去享受一下難得既寧靜。此店位於旭日書店內，全層有書卷氣之餘，亦有點油煙味。整體環境顏色和擺設也令人坐得舒適，但由於開放式廚房設計，因此難免油煙一些。食物種類不算太多，主打健康蔬果汁和瑞士咖啡，亦有咖啡室潮流之選--各類芝士蛋糕。咖啡頗香濃，而且提供方糖予客人使用，感覺環保一些! 不錯呀!襯住還未大肆宣傳，要係銅鑼灣搵個寧靜又就腳既地方抖抖氣，不妨體驗一下。