Cafeholic (已結業)

今日去Playroom玩完，天氣太熱，我哋有大有細，近近地就食呢間餐廳。呢道門口紅磚牆設計，幾吸引。入到裏面發現原來窄，枱同枱之間好迫，全部細枱，冇大枱，我哋一行9人唯有分開坐，我同朋友各自湊住件細既坐左卡位，座位尚算寬敞。我哋點左兩個午餐，點餐算快到，服務就麻麻。洋蔥湯睇相都知好水，好淡味，無乜要求都可以當淡鹽水，清清地飲。日式咖喱唐揚雞蛋包飯呢個飯最好食，賣相最好，沙律菜新鮮，酸酸地，好開胃。咖哩唔辣，香甜好味，蛋包飯內飯粒都好juicy,不錯！香煎黑椒牛扒薯菜配飯牛扒難切，食落好韌，咬得好攰！薯仔無乜味，飯質粒粒分明，配黑椒汁食，叫做飽肚。