皇室甜品 (城南道)

營業中

休息中

之前睇晒OP，做定功課先黎。但出其地無論係下午去定夜晚去，果度都係水靜鵝飛，連隔壁嘅金滿堂都滿座。叫左佢地最出名嘅天使之戀、炭燒咖啡奇冰、傾城之戀、宇治金時、芒果河粉。一睇個餐牌真係呆左，D價錢比隔壁金滿堂貴好多。天使之戀$38，係三塊拿破崙放埋一齊，中間有D酸酸地嘅檸檬吉士同芒果醬。拿破崙唔夠小方糖鬆脆，硬左D，弄傷左我D牙肉。我地有三個人，店員只係比左一個碟比我地，問佢比多個碟同餐具share，佢都好唔願咁黑口黑面。傾城之戀$30，有香蕉伴碟、朱古力布丁上面放球朱古力雪糕入面有朱古力碎。朱古力布丁底部好粉，好難食，朱古力味唔夠濃。芒果河粉$29唔夠滑，椰汁味唔夠，芒果幾甜。宇治金時底部係綠茶刨冰，上面有小丸子、紅豆，最上高有一球綠茶雪糕。綠茶雪糕好濃，但刨冰唔太夠綠茶。佢地有個薄荷金時，聽落好新奇。炭燒咖啡奇冰$39，好濃咖啡味，苦苦地，好甜野嘅朋友未必會中意。個冰唔夠綿，伴碟有焦糖布丁、紅豆、綿花糖。佢地綿花冰有好多口味，有朱古力、黑芝麻、石榴、士多啤梨、椰汁、芒果。但都係果句lo，太貴了，但有唔係特別好食。