影片
更多
2006-06-14
8 瀏覽
住在九龍城區多年,又愛吃火煱,試了好多間火煱店,但在好日子都會來煇哥一趟.一般食評都說此輝哥貴夾唔飽,我都覺得貴,如果不是以吃肥牛為主的話,肯定失望.但牛肉實在好味,如果喜歡食靚火煱牛肉,咁就唯有嚟輝哥.我試過方榮記,東榮,大邊爐,满福廔,名城,厚福館,都係覺得輝哥牛肉最好味;而名城與厚福館的價錢又不見得平過輝哥幾多.上星期六,一家四口,兩個小朋友只得六和兩歲,又去輝哥吃牛肉.我們叫了一個潮洲湯底,一碟大手切牛肉,一碟例牌牛肉粒,一碟四寶丸,一碟鮮炸魚蛋,一碟生麵,一碗飯.少少啤酒和汽水,埋單六百元,貴就貴,但四個人都食得很飽很滿足.(兩個小朋友當一個大人,所以平均消費二百左右,與我們同樣陣容去厚福館相若)潮洲湯底鮮濃,先放牛肉粒和四寶丸,滾左後淥牛肉,牛肉又冧又有肉味,雪花滿佈,只有十幾片,但超好味.話咁快食哂,四寶丸和鮮炸魚蛋都好味,豬肉丸,墨魚丸,鯪魚丸和魚蛋都好吃,大人和小朋友都啱,生麵就唔夠烏冬咁索味,以往我們通常都是叫烏冬,今次想換換口味,但發覺都是烏冬最夾.然後吃牛肉粒,又是充滿牛肉味,咀嚼起來,滿口肉汁,最後倒入一碗飯,用潮洲湯底做成湯飯食,配合得啱啱好.侍應呀哥呀姐快
一般食評都說此輝哥貴夾唔飽,我都覺得貴,如果不是以吃肥牛為主的話,肯定失望.但牛肉實在好味,如果喜歡食靚火煱牛肉,咁就唯有嚟輝哥.我試過方榮記,東榮,大邊爐,满福廔,名城,厚福館,都係覺得輝哥牛肉最好味;而名城與厚福館的價錢又不見得平過輝哥幾多.
上星期六,一家四口,兩個小朋友只得六和兩歲,又去輝哥吃牛肉.我們叫了一個潮洲湯底,一碟大手切牛肉,一碟例牌牛肉粒,一碟四寶丸,一碟鮮炸魚蛋,一碟生麵,一碗飯.少少啤酒和汽水,埋單六百元,貴就貴,但四個人都食得很飽很滿足.(兩個小朋友當一個大人,所以平均消費二百左右,與我們同樣陣容去厚福館相若)
潮洲湯底鮮濃,先放牛肉粒和四寶丸,滾左後淥牛肉,牛肉又冧又有肉味,雪花滿佈,只有十幾片,但超好味.話咁快食哂,四寶丸和鮮炸魚蛋都好味,豬肉丸,墨魚丸,鯪魚丸和魚蛋都好吃,大人和小朋友都啱,生麵就唔夠烏冬咁索味,以往我們通常都是叫烏冬,今次想換換口味,但發覺都是烏冬最夾.然後吃牛肉粒,又是充滿牛肉味,咀嚼起來,滿口肉汁,最後倒入一碗飯,用潮洲湯底做成湯飯食,配合得啱啱好.
侍應呀哥呀姐快手快腳,要乜有乜,我們沒有叫海鮮,沒有强加推介,亦沒有黑面.但也不是超級殷勤笑容滿面哪一款,不過不失.
張貼