芳華絕代 (已結業)

雖然係黃店但後生侍應既態度差，食完好似想趕你走咁，不斷清潔希望掃埋你走，唔好阻住佢收工；而味道亦一般，普通一間泰國店已經會好味過呢間！好耐之前已經想食，眼見氣氛幾好又有掉膘玩，以為係朋友聚會好地方，點知！原來一切浮雲！因為人多既關係，坐到一個好唔舒服既綠燈位置，成餐飯望住大家綠哂既阿凡達樣，不過唔緊要，諗住野食會搭救。結果，魚我地誤以為有湯，結果黎到係呢條魚既時候完全唔想食，到湯面方面餸菜少，正正常常，而豬頸肉方面亦不過不失，但以價錢來講偏貴，不值得嘗試。