大和豚総本店 (已結業)

假期約左朋友出街食飯，揀左依間大和豚食日本野，真心覺得價錢唔平，簡單一餐lunch套餐包汽水，其他飲品再加錢，閒閒地加埋一，都接近100蚊值唔值？真係見人見智。雖然lunch時間黎，但人唔算多。地方都算大，寬敞，唔算嘈，服務都算唔錯，會主動裝水。豬軟骨拉麵，豬骨濃湯味濃，豬軟骨夠入味，但唔夠爽，個糖心蛋超好味。泡菜豚肉拉麵，覺得偏辣，豚肉夠薄，份量都唔算少。吉列豬扒冷烏冬，可選擇熱，烏冬夠彈口，吉列豬扒炸份唔算多，肉厚但有d實。最後單叫左杯Corona特飲，薄荷青檸味重，味道唔錯。