梅之味 (銀幕街)

營業中

休息中

見到樓下開咗間新嘅台灣餐廳，之前上一手都係台灣餐廳，所以都唔知係咪同一個老細。不過唔好估啦，入到去食先算，下午茶時間，同老婆叫咗兩個下午茶，一個係牛肉麵，一個係滷肉炸雞扒飯。不過我主要都係食牛肉麵所以都淨係寫呢一個算啦，個牛展味道算係唔錯不過好可惜唔夠淋，咬落去有啲似牙痛有啲近嘅感覺，可能個人口味，比較鍾意食一啲透明位燜到好似啫喱咁諗嗰啲牛展，同埋個湯底有少少油膩，米粉好幼，所以一夾起好容易成舊咁樣夾。啲蘿蔔酒炆得唔夠時間， 唔入味同埋有少少生。不過最敗筆就係杯珍珠奶茶，甜過就咁飲糖水。整體來講麻麻哋，但係個炸雞扒係的確唔錯嘅。