鮨佐瀬 (已搬遷) 新店位置

在荷里活道新開的壽司店，由於睇到飲食雜誌介紹又近屋企，所以試吓。裝修同一般日本壽司店無咩分別，放刺身的櫃較細，所以同師傅拒離拉近咗。全場只有一個日本師傅，當日佢掛住招呼熟客，我地無緣試到佢的手勢。午餐最平都320一位，拍得住酒店價錢。我地叫咗一個3xx同一個4xx，分別就係貴d有海膽同拖羅。刺身當然好味，但壽司飯就只係一般，手勢亦冇鮨福助的師傅咁好。跟餐有沙律、麵豉湯同稻庭麵、但無甜品。整體黎講都算好味，但以咁嘅價錢其實出面都有好多選擇... 另外，當日較多人所以出餐有點混亂，希望之後會做得好d啦。