温野菜

營業中

休息中

成日都見到溫野菜呢個餐廳，佢同埋牛涮鍋牛角係同一個集團經營嘅，所以就成日都心思思想去試吓。不過睇返食評好似有啲貴，不過一次半次都OK嘅😁😁咁睇返個餐牌啦，佢就有唔同嘅肉類同埋原產地所選擇，咁主要見到牛肉嘅價錢係偏貴因為都係由美國日本呢啲地方送到，咁我哋就因為budget所以選擇咗比較抵食嘅雞肉同埋豬肉😃😃另外都有叫咗啲餃子同埋菜，仲有拉麵添。我哋選擇咗清清地嘅蕃茄湯，好快就有職員去招呼我哋，比起其他火鍋店嘅服務好好多，可能係因為價錢關係。我哋認為佢哋嘅肉類質素比一般壽司譜，尤其是係放題嗰啲好好多，食落去好有肉汁，亦都非常鮮嫩，令人想一食再食。此外佢啲蔬菜亦都比一般鋪頭新鮮，物有所值😄😄而且，個環境都比較清靜，可以同朋友舒舒服服咁傾計。