影片
更多
2009-10-08
98 瀏覽
假日無無聊去東涌行Outlet當節目,這裡星期日一向很旺場,雖然到處擠滿人,但似乎想在這裡的食肆找個位置坐下卻不難,見過這裡大部份食肆的評語都很一般,穩陣起見就試下名字較為熟悉的貴價燒味.在門口企了5分鐘無人理會,見剛有客人埋單便自行入座,來得東涌逛就預咗唔趕時間,既然阿姐唔得閒執檯就由得佢先,對住一堆上手食完嘅食物殘渣,先慢慢研究餐牌,到執完檯又未得閒寫單,又等下先!由入座到碟燒味飯出現大概30分鐘左右.咁嘅食物水準又值唔值得需要等咁耐呢?甘味雪梨湯----印象中雪梨湯一般都是比較清一點的湯水,但這裡卻可煲到有猪骨濃湯顏色,而且入口竟然有花旗蔘的甘味,應算是少有的組合,唯一肯定味精濃度極高!八寶飯----每樣有兩件適合貪心嘅我!咸蛋色澤暗淡、墨魚片=擦膠切片、熏蹄冰凍亁硬、紅腸有很重膠味,反而燒味又唔太差!其中燒肉及鴨都幾好,义燒感覺和肥豬頸肉差不多,因雞是背脊位置所以只有皮及骨.看見友人的油雞脾上黄澄澄一大片的的肥膏.......好此道者必定大喜.兩女一男侍應明顯應付不了二十多位客人,因為臉色彷如身中劇毒般灰灰黑黑,對四周客人呼叫已沒甚反應…….$54夠我這種平民去再興食兩碟肥义飯
甘味雪梨湯----印象中雪梨湯一般都是比較清一點的湯水,但這裡卻可煲到有猪骨濃湯顏色,而且入口竟然有花旗蔘的甘味,應算是少有的組合,唯一肯定味精濃度極高!
八寶飯----每樣有兩件適合貪心嘅我!咸蛋色澤暗淡、墨魚片=擦膠切片、熏蹄冰凍亁硬、紅腸有很重膠味,反而燒味又唔太差!其中燒肉及鴨都幾好,义燒感覺和肥豬頸肉差不多,因雞是背脊位置所以只有皮及骨.看見友人的油雞脾上黄澄澄一大片的的肥膏.......好此道者必定大喜.
兩女一男侍應明顯應付不了二十多位客人,因為臉色彷如身中劇毒般灰灰黑黑,對四周客人呼叫已沒甚反應…….
$54夠我這種平民去再興食兩碟肥义飯!
張貼
