Made in HK Restaurant (已結業)

今日有事去左觀塘apm, 之後約左人食飯，朋友帶左我去呢間Made in Hong Kong, 睇個名就諗佢係咪標榜香港本土味呢🤔。因為早餐食得好飽， 而且朋友話set lunch 份量好大， 所以我地唔敢叫， 只點了個特餐。我點左嘅係羅宋湯牛尾縲絲粉，配煎蛋菠蘿包。碗粉份量確實真係好大喎， 而且好足料， 裡面有三大件牛尾😅牛尾炆得好腍都幾入味， 湯底像真情度好高一啲都唔流架👍。煎蛋就係煎蛋冇特別， 但個菠蘿包就強差人意🙄包嘅質地似放左一段時間嘅餐包，有啲乾同硬， 上面層酥皮一啲都唔酥，總之就... 勸你揀多士算喇！講真佢食物質素尚算可以，我見到其他客人點嘅午市套餐份量真係好大， 而且個賣相都似好得咁，不過佢性價比好低，個特餐要七十幾蚊，一啲都唔算平。但聽講apm啲餐廳都係偏貴，呢間已算中價喇喎😅。