心鉄板燒 (已結業)

公司搬office到尖沙咀，一切settle down 後，食番一餐好既，由同事訂位及安排，因為之前在中環也食過鐵板燒（非同一間，只是同類食物），所以食過翻尋味，對此有極大期望，可能期望越高失望越大，食物味道是okay 的，但卻不值這個價，食完覺得都唔夠飽，定因為是tailor made 所以收貴啲？該日lunch set 鐵板燒如下：🔸沙律、前菜🔸龍蝦3隻龍蝦for 8個人，每人半隻都無，真係得2-3舊仔，如圖，仲有一片瓜同一小匙三文魚子。味道是okay的，調味適中，龍蝦彈牙無過老。🔸美國特級牛肉/牛肉薄燒/神戶黑豚厚燒/薄燒如圖是我同另一個同事的豚肉燒，並不是一人份量，呢個份量正常，燒得亦恰到好處，豚肉也很嫩很juicy 🔸炒飯、漬物、麵豉湯🔸炒雜菜🔸雪糕整體味道是okay 的，而且師傅燒的過程serve 得好好，如果你喜歡，是風趣幽默的，我訂位的同事就傾得好開心。埋單加一每人600， 原本是要另收加一，即660，但同事指出已在訂位前跟餐廳經理洽商好全包是每人600才訂位的，所以最終是600/人埋單，抵唔抵就見人見智，我就覺得偏貴兼種類及份量偏少。