亞金南洋茶室 (新都城中心二期) (已結業)

呢間餐廳開咗好耐，行過睇下餐牌先知原來有海南雞。雖然係下午茶時間，但係我同朋友都未食晏，好肚餓，點咗正常份量嘅食物，不過下午茶嘅種類都吸引嘅。加配小食：馬來炸春卷(3條)，雖無肉，但係個餡幾好味喎。奶油酥餅，唔酥嘅。招牌亞金無骨海南雞配油飯(加$10轉雞脾)，雞肉都滑不過無驚喜，飯對我嚟講有啲硬。檳城炒貴刁，食落有輕微嘅甜味，一啲都唔油膩，好味呀。越南洋奶茶(煉奶底)。 凍檸檬薏米水，少甜，，感覺健康。