影片
更多
2012-11-03
58 瀏覽
唔知幾時開始，打邊爐被畫分成兩個陣營。平嗰啲，肉類無肉味，牛肉又肥到死，四寶丸食完到分唔出味。貴嗰啲，無四五百一位唔好諗住食得飽。呢間潮民就係食貴嗰隻。環境其實似街坊生意，不過儘量做到好企理。侍應亦個個笑面迎人。至於火鍋料，有著有唔著。先講本地手切牛$218，面頭嗰啲幾靚，脂肪均勻，牛肉味濃郁，不過都有少少靭。但下面鋪住嗰啲就唔多掂，脂肪位佔一半以上。同面嗰啲真係差得遠。咁樣嘅presentation 真係覺得揾笨。特上安格斯牛肉粒$128，呢個唔建議柯打，睇見就覺得少得可憐，肉地亦鞋同靭，枉有特上之名，並無特上之實。再舉一個貴到飛起嘅例子，6隻鮮冬菇就收$32，更好食都係街市買到好尋常嘅鮮冬菇啫。最後講埋個湯底，叫咗荽茜皮蛋湯，開始好好食，返到屋企就知死，勁飲兩杯冰水先解到渴。究竟仲有無啲又抵食又好味嘅火鍋店？
唔知幾時開始，打邊爐被畫分成兩個陣營。平嗰啲，肉類無肉味，牛肉又肥到死，四寶丸食完到分唔出味。貴嗰啲，無四五百一位唔好諗住食得飽。呢間潮民就係食貴嗰隻。環境其實似街坊生意，不過儘量做到好企理。侍應亦個個笑面迎人。
至於火鍋料，有著有唔著。
先講本地手切牛$218，面頭嗰啲幾靚，脂肪均勻，牛肉味濃郁，不過都有少少靭。但下面鋪住嗰啲就唔多掂，脂肪位佔一半以上。同面嗰啲真係差得遠。咁樣嘅presentation 真係覺得揾笨。
特上安格斯牛肉粒$128，呢個唔建議柯打，睇見就覺得少得可憐，肉地亦鞋同靭，枉有特上之名，並無特上之實。
再舉一個貴到飛起嘅例子，6隻鮮冬菇就收$32，更好食都係街市買到好尋常嘅鮮冬菇啫。
最後講埋個湯底，叫咗荽茜皮蛋湯，開始好好食，返到屋企就知死，勁飲兩杯冰水先解到渴。究竟仲有無啲又抵食又好味嘅火鍋店？
張貼
