影片
更多
2010-04-24
71 瀏覽
尋晚諗咗成晚唔知食乜好...到咗晚上十點幾都冇頭緒,就索性上嚟睇吓九龍城有咩好食.不如去粗菜館啦~係貪佢收12點咋~好多年前喺佐敦嗰間食過一次,真係唔錯,特別係個雲吞雞..去到九龍城,點知而家D菜同以前嘅已經大部份唔同晒...老公要介口,好多嘢唔食得,所以淨係叫咗炒豬潤同東坡骨,諗住唔夠先再叫..炒豬潤---味道OK,但炒到濕淋淋,我覺得調味太濃,而且韮菜同薑塊(係薑塊唔係薑片,因為切得勁厚!!!)多過豬潤,有點妹仔大過主人婆感覺....成碟得十塊八塊豬潤,唔知仲以為係叫咗碟炒韮菜....東坡骨---炆得好淋好入味....但係勁細碟,成碟加埋完整嘅都冇六件,肉碎就大把..我覺得甜咗少少..豬油飯---到差唔多食晒D餸都仲未嚟個飯,問一問阿姐佢先話唔記得咗,仲要話我遲落單搞到佢漏單......個飯係嚟咗炒豬潤之後我先叫,但佢漏單冇理由賴我啫!!!豬油冇香味,豉油都唔夠味,要落多D,但整體上我覺得比兩個餸好食....P.S:可能近收檔時間,D阿姐一邊炒餸一邊打貓(我地坐正門口位,對到正佢地煮嘢).感覺上我地好似食緊隔夜餸咁....兩個餸+豬油飯+白飯=$138元..講真唔算貴,不過我地一家
不如去粗菜館啦~係貪佢收12點咋~
好多年前喺佐敦嗰間食過一次,真係唔錯,特別係個雲吞雞..
去到九龍城,點知而家D菜同以前嘅已經大部份唔同晒...
老公要介口,好多嘢唔食得,所以淨係叫咗炒豬潤同東坡骨,諗住唔夠先再叫..
炒豬潤---味道OK,但炒到濕淋淋,我覺得調味太濃,而且韮菜同薑塊(係薑塊唔係薑片,因為切得勁厚!!!)多過豬潤,有點妹仔大過主人婆感覺....
成碟得十塊八塊豬潤,唔知仲以為係叫咗碟炒韮菜....
東坡骨---炆得好淋好入味....
但係勁細碟,成碟加埋完整嘅都冇六件,肉碎就大把..
我覺得甜咗少少..
豬油飯---到差唔多食晒D餸都仲未嚟個飯,問一問阿姐佢先話唔記得咗,仲要話我遲落單搞到佢漏單......個飯係嚟咗炒豬潤之後我先叫,但佢漏單冇理由賴我啫!!!
豬油冇香味,豉油都唔夠味,要落多D,但整體上我覺得比兩個餸好食....
P.S:可能近收檔時間,D阿姐一邊炒餸一邊打貓(我地坐正門口位,對到正佢地煮嘢).
感覺上我地好似食緊隔夜餸咁....
兩個餸+豬油飯+白飯=$138元..
講真唔算貴,不過我地一家三口(我個仔得兩歲)食真係個個都唔飽.
以後唔會再幫襯...
張貼
