影片
更多
2011-07-31
42 瀏覽
唔知係咪廣告效應，睇得多真係令我有衝動去太興飲佢嘅冰鎮奶茶！唔理三七廿一，tea time約埋兩個fd一齊去華蘭路太興啦！入到太興，侍應領我們到路口嘅＂2：1＂卡位，甫坐下朋友甲即刻開始黑面！ （因為佢嫌迫夾，冷氣又唔夠！連珠炮發的嚷著要轉檯！－－最終我地都有轉檯，轉去一張＂正式的＂2：2＂4人卡位！）始見朋友甲＂黑面＂漸褪，便開始睇餐牌嗌野食！睇睇餐牌，太興嘅飯喺價錢方面，唔連野飲，tea time要$31；平時的話：碗裝要$46、碟頭要$54 ，嘩，單拼已經咁，雙拼飯更是不得了！。。。仲未計係咪普通的單拼，如要一些特色的，比如：燻蹄、燒排骨、魷魚等等。。。汗顏耶！如果叫埋野飲，真係不得了！我地睇黎睇去，將所謂的餐牌翻看又翻看，良久都揀唔到食咩，因為實在太貴而且好似唔係幾值！ 太興嘅標價無疑令我地嘅食慾即時減了一半！最後，在揀無可揀的情況下，我只好要了平白的奶醬多！朋友甲要了肉鬆沙律薯杯，而朋友乙就叫了個星州炒米！ 下午茶時段食件奶醬多都要成$24（加冰鎮奶茶再加$3），換言之，成個多士tea set要成$27！$27其實可以食個飯！或去普通茶仔，食個只係廿多元、有湯粉＋奄列＋多士＋
唔知係咪廣告效應，睇得多真係令我有衝動去太興飲佢嘅冰鎮奶茶！唔理三七廿一，tea time約埋兩個fd一齊去華蘭路太興啦！
入到太興，侍應領我們到路口嘅＂2：1＂卡位，甫坐下朋友甲即刻開始黑面！ （因為佢嫌迫夾，冷氣又唔夠！連珠炮發的嚷著要轉檯！－－最終我地都有轉檯，轉去一張＂正式的＂2：2＂4人卡位！）始見朋友甲＂黑面＂漸褪，便開始睇餐牌嗌野食！
睇睇餐牌，太興嘅飯喺價錢方面，唔連野飲，tea time要$31；平時的話：碗裝要$46、碟頭要$54 ，嘩，單拼已經咁，雙拼飯更是不得了！。。。仲未計係咪普通的單拼，如要一些特色的，比如：燻蹄、燒排骨、魷魚等等。。。汗顏耶！如果叫埋野飲，真係不得了！
我地睇黎睇去，將所謂的餐牌翻看又翻看，良久都揀唔到食咩，因為實在太貴而且好似唔係幾值！ 太興嘅標價無疑令我地嘅食慾即時減了一半！最後，在揀無可揀的情況下，我只好要了平白的奶醬多！朋友甲要了肉鬆沙律薯杯，而朋友乙就叫了個星州炒米！
下午茶時段食件奶醬多都要成$24（加冰鎮奶茶再加$3），換言之，成個多士tea set要成$27！$27其實可以食個飯！或去普通茶仔，食個只係廿多元、有湯粉＋奄列＋多士＋餐飲嘅常餐！。。。
肉鬆沙律薯杯$22＋凍飲$3，盛惠$25
個名好似幾吸引，但其實只係兩塊size如memo紙般大小的炸薯皮，裡面裝住Ｄ被沙律醬搗勻嘅碎蛋白，上面灑有少許豬肉鬆。。。
星州炒米$32＋凍飲$3＝$35
tea time時段，都預左份量唔會太多，size唔會太大碟，但太興嘅星州炒米係用個U形嘅兜裝住，size細細、份量自然唔會多得去邊，夾兩注就好快食晒！用呢個價錢訂價，好似貴左Ｄ喎！
小插曲：
朋友甲想要杯少甜嘅冰鎮奶茶，落order時點知個侍應話冰鎮奶茶係預先整好晒嘅，所以係冇少甜／走甜之分！如果想飲少甜的奶茶，叫普通的那種凍奶茶則可以！。。。由於個侍應口音係半鹹半淡的廣東話，朋友甲唔太聽得懂，如是者二人＂雞同鴨講地＂一問一答！。。。到最後，個侍應竟然同朋友甲落錯order，由本來想飲嘅冰鎮奶茶，變成一杯普通而澀口嘅＂少冰少奶＂凍奶茶！Oh my God！
張貼
