影片
更多
2020-10-26
88 瀏覽
E間嘢係堅尼地城都開左有段時間，因為尋晚母親大人唔想煮飯，元氣又多人排隊於是決定去試下尼間火鍋。講服務方面，作為一間收費離地既火鍋店，服務質素甚至比唔上普通去食放題，裝修亦非常一般，座位都幾逼，竟然有人拎尼間嘢同海底撈比？唔好比，冇得比。唔好以為賣得貴服務就好，冇服務可言，茶都冇人同你添。並且，最離譜既係一間貴價點菜式火鍋店，竟然限時兩個鐘？！真係第一次見。上菜速度又慢，又係點菜，仲要限時，咩操作？！再講下湯底方面同配料，晚市去食，湯底竟然係按人頭收費而唔係按湯底數量款式收費，真係莫名其妙。叫左鴛鴦鍋普通辣同番茄。辣湯冇牛油既香味，除左辣味就冇其他未，辣椒水咁款。番茄湯就幾片番茄加一兩條金針菇咁係度滾，冇味，牛氣個湯底好過尼個多多聲。點菜火鍋最重要既就係個湯底，連湯底都咁失敗。真係唔明係咁讚佢既人係佢要求低定係我自己要求高？類似既火鍋店之前經常是既係海底撈同美滋鍋（點菜非任食），湯底都好好，尤其美滋鍋。而尼間配料都係按人頭收費，冇得揀要唔要。問題係人地收配料錢醬料都係老老實實好多醬料比你自己去配。尼間真係刷新我既下限，拎個裝住蔥同蒜蓉同麻油既架過來放低話係配料叫你自己配。哇！真係唔講都
講服務方面，作為一間收費離地既火鍋店，服務質素甚至比唔上普通去食放題，裝修亦非常一般，座位都幾逼，竟然有人拎尼間嘢同海底撈比？唔好比，冇得比。
唔好以為賣得貴服務就好，冇服務可言，茶都冇人同你添。並且，最離譜既係一間貴價點菜式火鍋店，竟然限時兩個鐘？！真係第一次見。上菜速度又慢，又係點菜，仲要限時，咩操作？！
再講下湯底方面同配料，晚市去食，湯底竟然係按人頭收費而唔係按湯底數量款式收費，真係莫名其妙。
叫左鴛鴦鍋普通辣同番茄。辣湯冇牛油既香味，除左辣味就冇其他未，辣椒水咁款。番茄湯就幾片番茄加一兩條金針菇咁係度滾，冇味，牛氣個湯底好過尼個多多聲。
點菜火鍋最重要既就係個湯底，連湯底都咁失敗。
真係唔明係咁讚佢既人係佢要求低定係我自己要求高？類似既火鍋店之前經常是既係海底撈同美滋鍋（點菜非任食），湯底都好好，尤其美滋鍋。
而尼間配料都係按人頭收費，冇得揀要唔要。問題係人地收配料錢醬料都係老老實實好多醬料比你自己去配。尼間真係刷新我既下限，拎個裝住蔥同蒜蓉同麻油既架過來放低話係配料叫你自己配。哇！真係唔講都以為係送既。
最後講翻食物質素。嘢食分量少到喊，見佢拎上來果陣都嚇親。毛肚半份竟然竟然得幾塊！鴨腸同牛柏葉亦是，份量細到嚇死人。以後邊個咁再話海底撈D嘢貴份量少啊拿？同尼間比簡直老實到不得了！愛你美滋鍋。
因為上菜慢，第一輪上菜等左好耐，未有影到母親大人就dum曬D材料入鍋，冇得比大家睇來做參考。料都係果D料，冇話同其他火鍋店有咩分別，冇話特別好味定難食。
唯一滿意既係嫩牛肉，確實好嫩既好食不過同樣份量少到喊，豉油碟咁大碟仲要墊兩塊生菜。
總括來講，個人覺得嚴重被伏，又貴服務又一般食物質素亦一般。冇話邊度特別唔好，但係係尼種離地收費下，最大既唔滿意就係冇樣嘢令人滿意。特別限時兩個鐘。
特別覺得對唔住伏左母親大人，尼間嘢絕對冇下次！
第一次寫食評就咁多字，實在係好囉嗦，但真係唔希望有更多人中伏！最大疑問：咁多好評實在神奇。
湯底
7 瀏覽
0 讚好
0 留言
嫩牛肉半份
$42
3 瀏覽
0 讚好
0 留言
粉條
$58
4 瀏覽
0 讚好
0 留言
張貼
