小南國 (已結業)

因為買左團購，所以入去食。之前都食過幾次，都係買團購，講真間野幾貴，如果唔係有團購都唔會食。一如既往，烤麩同生煎包必食。雖然唔係我食過最好B食嘅烤麩同生煎包，但依度嘅都唔錯啦。蔥油面又貴又唔好食，冇味, 又細，大家千萬唔好叫。至於小黃魚，值得一試，但唔會再有下次，因為一般啦，鐘意脆口嘅係唔錯，炸到脆到連骨都食埋。 樟茶鴨都值得一試嘅，幾特別，口感同味都似食德國咸豬手：PP 但全家都覺得醬油鴨好食d依餐飯最令人滿意嘅就係蟹粉豆腐，鮮魚羹同酒瀼湯丸。講豆腐先，真係好有蟹味，好好食，又滑。梗係啦128蚊得一碢仔咋，雖然好食但真係貴。鮮魚羹就抵食好多啦，叫個例，有4碗滿，清得黎好足料。正   最後甜品，今晚有d失准。酒瀼有d酸，之前食都未試過，但覺得湯圓有小小芝麻餡，覺得好食過丸子。酒瀼湯丸同酒瀼丸子一樣價錢，我會揀前者。總結，有團購會再去食，因為佢d野貴得有道理，而且好多野食都唔錯，除左蔥油面。冇團購就咪搞我，尖沙咀滬江好食過佢。